يا الحان بتهوفن وقيفان فزاع

الضيقه اللي تستعر بين الاضلاع
شبت بقلبي نار ما عاد تطفا

لا والله اني تالي الحب ملتاع
ولولا سراب الحب ما كنت بجفا

يا كاسة الليمون يا اوراق نعناع
يا قهوة(ن) شفَت على القب شفَا

يا الحان بتهوفن وقيفان فزاع
ياحروب ابن مكتوم وأيام صلفا

مهما تضحي فالهوى دوم خداع
وتاخذك بقعه بين رمح (ن) وشلفا

صارت علومي طايره بعجة القاع
لا انته اتهلَيبي ولا انته اتحَفا

المشكله عاشرت اشكال وانواع
الكل يصفا وانت ما ظن تصفا

ما هقوتي في يوم باجيك وانصاع
ولا ظنتي با عود واقول تكفا

وش ارتجي دام الامل فيك قد ضاع
ودبَر معاك الشوق والحب أقفا

وشلون صار الحب يشرى وينباع
وجرح الضماير فالمحبين يخفا

ان كان تبغى فراق يا مرحبا الساع
باشوفلك مليون حيله وصرفا

عذربتني قطعتني عدة اقطاع
واللي وصلني منك كفَا و وفَا

ليتك زهمت القلب وتشوف الاوجاع
وان زرتني مالك هنا أي ملفا

ما هو انا اللي حب ثم قص الاشراع
أسعفني الحظ الردي !! وين أبشفا ؟

حاولت اني ارضيك والحظ ما طاع
حتى وحشتك بين منفا ومنفا

اذا تفارقنا ابي منك الاسناع
ما بيك تكرهني ولا القلب يجفا

طبعي كذا ياهيه في كل الاصقاع
عند الرحيل المر باكووون أوفى

رجل بحياتك مر شاري ولا باع
بقعد وانا مالي سوى عيون هيفا

كل القلوب تحب تغمات الايقاع
وكل الغيوم تروح والجو يدفا

يعطيك الف العافيه
على الطرح الشيق
تقبل مروري
تحيااااااااااااااااااتي