**مآدريت أن الغيآب أحيآن أفضل من الحضور**

مغفره وذنوب , والساعه بلا تُوبَـه تدور



السنه صَارتْ سَريعه حِيلْ , وأحْسِبْهَا شهر










عِذتْ أنا مِنْ شَرْ خَناسٍ يوسْوسْ بالصدور




وما بكيت إلا لوجــه اللــه في ليلة قدر







تِختصر مَعنى حياتِكْ كيف تبني لِكْ قصور!



أحْتِــــرم رايك ..

وهذي تُعتبَــر
..... ( وجهَــة نظر ) !










زين طيِّب .. دام تِدري إنَّ لِكْ رَبٌ غفور



ليه ما صَلِّيتْ لَجله وما رفعت إيدك شكر!؟










حَدِّث العاقِلْ بمَا يُعقَل ..وفي قلبٍ جَسُور



وإنْ خطيت بحق غيرك روح قدِّم له عذر










رافِقْ الشخص المِثالي اللَّي لو تخطي / يثور



وإن سِمَعت إسْمَعْ مِنْ اللِّي تِلقى في صَمته " دُرر "










وقبل تِسأل عَنْ حياتي وكِيف وجهي شَع نور



خلْ كلامي لِكْ وصيَّه وخلْ بعد عِندكْ خبر










ما نالْ في الدنيا أحَدْ يا سَائلي غير
(الصبور)



والدليل إنِّي صِبرتْ .. وكانت أيامــي تمر










لا تقول: الحَلْ إنِّكْ تِلقَى لِكْ,عاشِقْ غَيور



إنْ حَبِّتِكْ عِينه ترى ..

ما حَبِّتِكْ
........ عِين الدهر !!










مِثلِكْ أوَّلْ كان حَالي وضِيقتي ونفس الشعور



كِنت أقول : شمعنى قلبي في مشاريعَه خسر










ما دريت إنَّ الغِيابْ أحيَان أفضَلْ .. مِنْ حضور



لِين شِفت " الشمس " تشرق بعد ما يغيب ( القمر )










وما دريت إنَّ التواضُع كنز / ومَكرُوه الغرور



لِين شِفت إنَّ الغِنى .. في الآخِرَه مِثل الفقر !!










كِنتْ غـافِلْ في حياتي وكِنتْ أجْهَلْهَا الأمور



لِينْ ربِّي له هدَاني .. وصِرتْ أدَوِّر لِي أجر










لا تقول: أعيش يُومي دامي في
عمر الزهور



منت ضامِنْ عُمركْ الباقي .. وقَطَّافْ الزهَر










قبل لا تبدي الخطِيئه وتبْنِي لِذنوبك جسور



خافْ مِنْ ربِّكْ وفكِّـر في وعَد يُوم الحشر










مَهْمَا كِنت إنسَان " راقي " وتعشِق أنواع البخور



التراب اللَّي يضمك بعد مُوتك

........ والقبر !!










ياما قالوا الناس : خايف



وقلت : ما فيني قصور

بَسْ شِفتْ إنَّ الشَّجَاعَه مَعنى ثاني للخطر










إيهـ خافْ وكُونْ سَالِم دام هالدنيا بحور !



والبحر مَهْمَا وفالِكْ طبعَـه ( غدار ) البحر










وللشجر إن شفت هامه هذا مِنْ طيب الجذور



يعني أعمالك جذورك هذي هـي بالمختصر










القضيه: ما هِـي شخصٍ خالِفَـه شِرطي المرور



البشر في الدنيا هذي . . . صَار , ياكِلْهَا بشر !
...راقت لي ...

روووعه انتقااااائك ..


تسلم .. لنا ها الذاائقه ..الراائعه

تقبلي مروري.. لمتصفحك الراائع دائما

ودي لكــــــ

صاحبة السمو الملكي...~

روعة الذائقة والإختيار المقنن
تحضر بحضور الشوق
دمت للصفحات نبراس
تحياتي

يسسسلمـــو يا بطـل ولا عدمنـآك


تقبل مروري وودي

طــــــــــــارقـــــــــــــ

صاحبة السمو...
اسعدني مرورك يالغلا
دمتي بسعاده

معالي الشمالي..
لك كل الشكروالتقدير اخوي
دمت بسعادة دوووم

ابو نواف
سرني تواجدك اخوي لاحرمنا هالوجود
"ع فكره انا بطله مو بطل ههههه"
دمت بسعادة

دائما تتواجد الذائقه الرائعه بمتصفحك

يالشوق

تقبلي مروري المتواضع

تسلم يمينك

وذوقك وحسك عالي حيل

دمتي بود

عبد المجيد
نورت متصفحي هلا فيك

القرعاني
مشكور اخوي ع تواجدك
دمت بود

شوااااااااااااااقه تسلمي على هذه الطرح الاكثر من رائع سلمت يمينك وتقبلي مروري ولك تحياتي

انتقاء جميل يا صاحبة الذوق الرفيع
كلمات تلامس حال الكثير منا
ما اجملها من كلمات

تقبلي مروري المتواضع

لك التحية
لك

تبقى الكلمة
مشكوووووره غلاي لا عدمنا هالطله النأأأأأأيس

@اني خيرتك فختاري@
هلا فيك نورت متصفحي
دمت بود