جعل البقا للي لهم بالحشا حظ
اللي بقوا رغم النوايب ولايف
اللي مخاواهم حشا مايعوض
خوة زمن ماهي بخوة وظايف
شرواك واحدهم ليا ملت ماجظ
وسيع صدر ولا يحسب كلايف
وإلا هذاك اللي لعرضي تعرض
وحجمني بعينه وأنا عنه نايف
وشكك وقال إن معدني مالحق فض
وأنا الذهب دوني ولالي وصايف
كم واحدن قبله علي شفته عض
وخليته لنارن حطبها الحسايف
يطعني المغتاب بالهرج وآغض
طرفي وأنا ماني من النذل خايف
هذا وأنالساني على أهل الردى فظ
ماأصبر على ميل العقول الخفايف
اللي مجالسهم ياأبو جروح تمرض
فيها الخنا والبين والقول زايف
مجالسن لا قمت من وسطها وض
واطلب من الله الكريم العفايف
ياسر الروضاني
قصيدة ياسر الروضاني
العرض العادي
