لمجلس اللي مايشيع التراحيب
ماهو مشرّف من يجيله وراعية
سلم العرب ماينترك يالمعازيب
ياشين ترك الموجبات وتعدية
نقصان جوف الوجه نقص المواجيب
ياناقص الماجوب نقصانكم لية
من فوق راس المال خسر المكاسيب
لا واخسارة من هقابه وراجية
للضيف حق وموجبات ومطاليب
ومن لاحشم ضيفه عنته المشارية
شرهه تخص معربين المناسيب
روس الرجال معدلين المتاييه
اللي غذو بالطيب من منهل الطيب
ساسٍ جويد ولا تعذرب مجانية
اللي بقوا فحبال اهلهم مقاضيب
ولا الكديش يموت مانلتفت فية
لايمكن انظر في شباه الرعابيب
اللي يقودونه ويسحب باذانية
وان كان ماجاني على علمي مجيب
حلفت مامرة ولا اجيه عانية
سنين فرقاك هدت حيل صاحبها
لين انثنى للهموم وقلة الحيله
كن الليالي دهورن يوم احسبها
وكني مع الوقت ينصب لي محابيله
قضى بي البعد واقصى في مضاربها
خلى الأماني قتيله في معاقيله
حكم بي الياس وانهى حال طالبها
حتى جثى واحدن واقف على حيله
ماتت حلوم الفرح قدام اداعبها
وطيف السعادة تبدد قبل اراعيله
مدري تباشير وقتي وين غايبها
اتهل ليل التلاقي من مقابيله
يظهر على الوجه بسمه عقب حاربها
ويطلق حجاج الوناسه من تهاليله
ويبعد عن النفس ضيقات تقالبها
ويشيل بالي عن الهوجاس دربيله
تقبل ليال الزمن تضحك حواجبها
ويروض فكري عن السجات واثنيله
دوري يالايام هاتي من غرايبها
ثم ولعي نور دربي من قناديله
اروي عيونن جفاف الهجر شاهبها
وبلي عروق المواصل من مناهيله
"فرقاك عيد"
رد: كلمه من (عندي )وبيت شعرمن (عندك)
العرض العادي
