أعجبتني هذه القصيدة فأحببت أن أضعها بين أيديكم
[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
هلا بك .. هي هلا اللّي قالها الصايم ليوم العيد=هلا بك .. هي هلا اللّي قالها للغيث هالوادي
هلا بك .. هي هلا اللّي قالها يعقوب بالتنهيد=ليوسف يوم عاد..و عاد شوفه.. و أنكف الغادي
هلا بك .. كثر ما أمّنت خايف .. أو رعبت مكيد=هلا بك يا عدو همومنا .. وهلال الأعيادي
تصاغرت الهلا .. من كبر قدرك .. و اعذر الترديد=لأنك شامخ مثل الجبل .. له بالصدى حادي
حسدت الشعر .. يوم إنه طليق لك .. و أنا في قيد=وجبته يوم جاك .. و شفت فيه مراة حسادي
مهوب إنت المريض .. إنت الشفا .. يا قريّبٍ و بعيد=وانا أقول المريض اللي .. فقد طلّتك فبلادي
سلمت إنت .. و سلمنا من سلاماتك عن التنكيد=أهنّيك .. أو أهنّي الناس .. أو نفسي و أنا البادي
يابو كل اليتامى و الضعوف و معسر ومريد=غديت الشمس وقلوب الخلايق زهر عبّادي
عليك نخاف منك .. إلى رقدنا و إنت في تسهيد=تقل من كثر حب الخير .. صرت لنفسك معادي
تطلّبك المرض نفسك .. و قلت أبشر بلا تحديد=فلا والله أرد اللي طلبني .. لو يبي زادي
هذاك إنت الضليل الضافي الوافي مناة الغيد=هذاك إنت الكبير المنور المنثور بالكادي
هذاك إنت الأصيل الماجد الناجد سليل الصيد=هذاك إنت الرفيع المشرق البراق والهادي
هذاك إنت الوفي العارف الوارف ربيع البيد=هذاك إنت العظيم الشامخ اللّي فوق الأشهادي
هلا بك .. و القدر بالصدر .. لا عجز القصيد يصيد=قصيدٍ لا درى إنّه فيك .. سمى شارده عادي
[/poem]
الشاعر
طلال الرشيد
هلا بك هي هلا اللي قالها الصايم ليوم العيد
العرض العادي
