[poem=font=",6,black,bold,italic" bkcolor="skyblue" bkimage="http://www.alhowaitat.net/mwaextraedit4/backgrounds/3.gif" border="outset,4," type=2 line=0 align=center use=ex num="0,black""]
الضيقه اللي بين عوج النحايف=ماكنها الا بالحشا صالي النار
حتى الليالي الموحشات العجايف=تدفع عواجلها على مر وامرار
اشيل من حمل السنين النكايف=وان مال حملي عالدواكيل صبار
مستانسن بين الرجوم النوايف=من ضيق بالي للخلا دوم دوار
وش حيلة اللي مابقا له ولايف=منهو يلومه لو بكى الدمع وانهار
بيبان جوفه والضماير لهايف=تقول يقطع بالمضامين منشار
اقفيت ياللي زاهين بالوصايف=قابلت ودي والرجى بيك بانكار
كن الشعر من فوق متنه نسايف=سبيب اصيله سابقه بين الامهار
اليا انثنى من لون طي السفايف=اللي على حيلن لفن عقب مغيار
اللي ردوفه والخواصر هفايف=ياعود لوزن وان هزع وسط نوار
يامعذبي ياسيد غيدن عفايف=فيك الشرف ياصاحبي ساس من كار
موشيك دزك للجفا والكسايف=وش لون بي طعت العواذل والاشرار
كل مابدا لي منك لاواحسايف=اقرب وتبعد نازحه بيك الاقدار
عذبتني من غير عدل ونصايف=وان جرت مالوم الزمن لو بعدجار
كن الحشى به من فعولك رهايف=تواردن قلب العنا منك شطار
تطيع بي هيل العقول الخفايف=وش لون اباوفي بالهوى وانت غدار
شوفي مكانك داخل القلب هايف=ماعاد تجمعنى محبه وتذكار
مادمت بايع ماعليك الحسايف=تجاهلي ماكان منا وماصار
[/poem]
مر وامرار
العرض العادي
