يعجز لساني امامك ان اقول لك كلمت اخو او صديق او حبيب لان مكانتك لدي فاقت معنى كل كلمة
الله لايفرقنا ويجمعنا في جناته ....... اخوك "محمد ابراهيم الرويعي"
تعالي يالقصايد مازهمتك غير لجل ارضيه
ترى لولاه ماحثّيت هجسي لك وشعوره
ابكتب وآتغزل به لو إن الشعر مايوفيه
بحاول أرضي اغروره عساني فدوة اغروره
هذاك اللي ليا من طرّوا اسمه حدني للتيه
اهيم بعالمه واسبح على طرياه فبحوره
تمكّن بي وفج الصدر بالقوّه واخذ مافيه
وانا طالع وكن إيدي يالشجعان مكسوره
وقام يقودني يم الهوى لو الهوى معميه
تحت حكم الهوى نمشي على نهجه ودستوره
جذبني حبه الطاهر وغيّه جعلني ما ابكيه
وعلقني بحبّه لين صرت امشي على شوره
فديته من علو راسه ليا حتى قدم رجليه
مدام اهل الهوى يااهل الهوى فالحب ماموره
ألا لبيه ياقلبه ولبى كل شي يعنيه
ولبى روحه اللي من سحاب العز ممطوره
ولبّى مبسمه وحكاه لبّى غمزه إفخديه
ولبّى غيرته واحساسه الطاهر وبلّوره
احبه واعشقه واغار حتى من كفوف ايديه
إليا من لامست خده اقول الثوره الثوره
محد متصوّر اش كثر اعشقه وادلّعه واغليه
عسى ربي يحفظه من عيون الحسد وشروره
هذة قصيدة غزلية مهداة لاأخي الحبيب عبدالله بن احمد سالم اللهيب الحويطي
العرض العادي
