بافارقك .. لو كان ما اخترت فرقاك !!

بافارقك .. لو كان ما اخترت فرقاك
بافارقك .. وآنا فرجوى وصالك

البعد لو به خير ما كان خلاك ؟؟
تقطع من عيون المحب اتصالك

ما اكثرك فالصده وفالوصل ما اشواك
الكبر لله .. ( لا يغرك جمالك ) !!

خليتني للبعد .. والبعد قسّاك
خلاك تنسى واحد" قد وفا لك ؟؟

سليت سيف الهجر ؟؟ كني من اعداك
وذبحت شوق الروح شاللي جرى لك

العام ما تصعب الى قلت بلقاك
واليوم من دون المواصيل هالك ؟؟

منت بردي .. حسبي على الوقت ردّاك
غير صفاك / وطيبتك / واعتدالك

حاولت نسيانك .. وعييت لا انساك ؟؟
لا جيت ابنسى .. ذيب صدري عوى لك

لو انك بترجع كثر ما آتمناك ؟؟
ما كان ذا حالي .. ولا ذا بحالك ؟؟

كثر الجفا وآنا أستغفر الله اشراك
حبك كفر بي .. لعنبو من صفا لك

خذاك مني البعد ما عاد بقاك ؟؟
لكن على قول المثل مش حالك

تدري وش اللي يقتل الشوق يا ذاك
لاني بولد عمك ولا ولد خالك ؟؟

الشوق برد .. ودافي الوصل لقياك
وثلج الجفا خرب طريق اللقا لك

علمتني حبك .. وعلمني انساك ؟؟
لو كان من دنياي .. مابه بدالك

تبغي تضيق خاطري جعله فداك ؟؟
مهوب انا اللي يعاتبك في حلالك

طلبتني قلبي وانا قلت لك .. جاك
والحين سو بخافقي ما بدا لك ؟؟





الشاعر / حمد البريدي

حياك الله أخوي الراقي ذيب الشوامين
صح لسانك ولسان الشاعر حمد
سلمت على هذه الذائقة الشعرية الرائعة
الله يوفقك ويسعدقلبك
نترقب قادمك


إحترامي

يسلموووووووووووو

صح لسسسان الشاعر وسسلمت يمينك ع الاختيار الرائع

يعطيك العافية ذيب

تدري وش اللي يقتل الشوق يا ذاك
لاني بولد عمك ولا ولد خالك ؟؟


تعجبني هالقصيده

حاولت نسيانك .. وعييت لا انساك ؟؟
لا جيت ابنسى .. ذيب صدري عوى لك

لو انك بترجع كثر ما آتمناك ؟؟
ما كان ذا حالي .. ولا ذا بحالك ؟؟


ما أجمل صوت نداء الحب في حنايا عاشق مشتاق ...

ياريت الأحبّة يجوووووووون كثر ما نتمنّاهم ....!!!

سلمت يداك يا الذّيب على الاختيار الرّقيق ..