على حطة يدك / كل الطعون النازفه .. هـيّ هـي

امانه لارحلتـي ودّعـي قلبـي شـويّ .. شـوي
تراني منكسـر .. مـن سيـرة الفرقـا وطاريهـا




تراني من هـذاك اليـوم .. لاميـت ولانـي حـيّ
ولا ادري عن جميـع النـاس قاصيهـا ودانيهـا



امانه وش معي ؟ .. والا وش اللي من غيابك ليّ !
ياكـود الوّنـه اللـي ماتعـدّت صـدر راعيـهـا



على حطة يدك / كل الطعون النازفه .. هـيّ هـي
بعد .. حتى انشراحـة خاطـري منـي سرقتيهـا



انا مثل الغريب .. وغربة احبابـي طوتنـي طـيّ
اجاهد ضيقتي .. وظروف وقتـي ويـش اسميّهـا



ياويّ من السفر .. ومن الغيـاب المنتظـر يـاويّ
بليـاك الحيـاه الهاديـه وش حاجتـي فيـهـا !



بعد بان الصباح .. وذعذع الغربي .. ومـال الفـيّ
تنّهـت .. وطـرت لـي ساعـةٍ مانـي بناسيهـا



هي اللي باقية لـي مـن لقـاك وذكريـات الغـيّ
تعزينـي بعـدك مـن الجـروح اللـي تركتيهـا



فمان الله .. رووحي .. والا انا مافي يدينـي شـيّ
عسى عيـنٍ جفاهـا نومهـا .. تفـرح بغاليهـا



للمبدع: مشعآن البراق

فمان الله .. رووحي .. والا انا مافي يدينـي شـيّ
عسى عيـنٍ جفاهـا نومهـا .. تفـرح بغاليهـا،،،،،،،، مبدع مبدع خيو احمد ،،،الله يسعدك ويخليك لعين ترجيك

امانه لارحلتـي ودّعـي قلبـي شـويّ .. شـوي
تراني منكسـر .. مـن سيـرة الفرقـا وطاريهـا

انا مثل الغريب .. وغربة احبابـي طوتنـي طـيّ
اجاهد ضيقتي .. وظروف وقتـي ويـش اسميّهـا

فمان الله .. رووحي .. والا انا مافي يدينـي شـيّ
عسى عيـنٍ جفاهـا نومهـا .. تفـرح بغاليهـا

........................................


رااااااااائعة ...
صح لسان الشاعر مشعآن ..
وتسلم ايدين المبدع عااااااااشق نجد ..

تغص الكلمات بالدّموووع لحظات الودااااع ....
فليس أقسى على قلب المحب من وداااع أغلى ساكنيه ..
لأنّه يدرك جيداً أنّه سيعود يسكن غربة الرّوح من جديد ..
لها الله تلك القلووووب الصّادقة كم تُعاني ...ولكن ..

عسى عين جفاها نومها .. تفرح بغاليها ..

اخر العنقود
آمين يارب
تسلمين اختي على دعواتكِ
الابداع حضوركِ
الله لايحرمني من هالحضور

زهرة المنتدى
كلك ذوق اختي
تعليق رائع منكِ يا أديبتنا
الله لايحرمني من هالحضور

[align=justify]
الله عليك اخوي ابداع ..
ذوووق ..







الذيب
[/align]

ذيب الشوامين
سرني حضورك
ارق واجمل باقات الياسيمن لشخصك