لو الخلايق على حبك تنازعني....يبطون ماحركوأ فيني مغز ابره............!

بعلمك شيٍ وإفهم دام تسمعني ...

من واقع التجربه والوقت والخبره ..

|| لو الخلايق على حبك تنازعني ...

يبطون مآحركوآ فيني مغز إبره ... ||

ماغيرك أحد ٍقوى قلبي وولعني ...
وغلاك عندي بوسط القلب ياكبره ....}


جيتك مشتت فكر ودي تجمعني ...
متضايق من البعاد وشوف لي دِبْره ...


لو بتكلم غزير الشوق قاطعني ...
مكسور والخاطر المكسور وش جبره ....!


يخونني الوقت والغيبه تصارعني ...
أكتب وحتى القلم خان ونشف حِبره ....!


رجعتلك { والغلا والشوق } رجعني ..
ياحيّ هالشوف و الضحكه و هالنبره ...


غيرك من الناس لو حاول يطالعني ...
أصد عنه ولا أشوفه ولا أعتبره ....


إلا أنت يا الشاري اللي منت بايعني ...
نظرة عيونك صفا لو ليلتي غبره ...



وإن كان ودك لدرب الحب تدفعني ..!

القلب يعشقك مايحتاج تختبره ..~




وأكبر دليل الخلايق لو تنازعني ....//

بالحب ماحركوا فيني مغز إبره .......}

رزه شماليه
يسلمووووووووو

غيرك من الناس لو حاول يطالعني
اصد عنه ولاشوفه ولا اعتبره


الله الله على الابداع
يعطيك العافيه على هذاالنص الأكثر من رائع

يسلم اخوي عربي الحويطي

اسعدني مرورك

يسلمو اخوي عاشق الصعب

اسعدني مرورك