هب الهوى غرب

هب الهوى غرب واجتاح الضلوع وشعرت
ان الليالـي الجميلـة هـب نسناسـهـا
مـدري كبـر حلمنـا ولابعينـي كبـرت
والاهي اوهـام ودي يصـدق إحساسهـا
تنسانـي ايـام وتجينـي متـى ماذكـرت
اليا متى وانت روحـي حابـس انفاسهـا
كنت اجمل احلام عمري بس ليه انكسرت
يازين الاحـلام لـو مـا ينكسـر باسهـا
بيديك مديت لي كـاس المحبـه وصـرت
انا اول اللي يـذوق المـر مـن كاسهـا
من يومها وانت قدام عيني ولو ما ظهرت
دايـم وعينـي تشوفـك بيـن جلاسهـا
قدرت ولا علـى نفسـي معـك ماقـدرت
لازاد عنهـا غيـابـك زاد وسواسـهـا
لو شفت حال الورق والشعر عقبك عذرت
اللي حرق صفحـة الماضـي وكراسهـا
ماكنت اصدق يجي يوم ابتسـم لانظـرت
اطـلال ركـب الليالـي مـر ماداسـهـا
والا انت لو قلت لي نادم وجيت اعتـذرت
كان اجمل ابيات شعري ينحنـي راسهـا
مافيه داعي توصينـي تـراي اعتبـرت
فرقاك ذكرى وشعـري علـق اجراسهـا
يكفيني البارح اني في عيونـك سهـرت
وقفت بيـن العيـون السـود وانعاسهـا
ان رحت منت اول اللي راح وليا حضرت
قلـت الليـال الجميلـه هـب نسناسهـا

والا انت لو قلت لي نادم وجيت اعتـذرت
كان اجمل ابيات شعري ينحنـي راسهـا



صح ذوووقك

يكفيني البارح اني في عيونـك سهـرت
وقفت بيـن العيـون السـود وانعاسهـا


ياسلام على هذه الكلمات التي تحرك الشجون

[align=justify]
كا العادة طرح جميل ..
وذائقة اجمل ..
على القوة ..






الذيب
[/align]