تنتظر مني حكي المس على صدري و تشوف
تنتظر مني حكي ..
المس على صدري و تشوف
كم خفقه اتعبها الوقوف !
وكم عبرة جت لك تشتكي !
المس على صدري شوي ..
ترى الشعور اللي قتلني بغيبتك .. طوّل شوي!
شف كيف عيني تنكسر..
والخاطر اللي منكسر
قلبي.. و إحساسي .. و أنا !
شف كيف جرّحنا الظما ..
يا صاحبي قلبك عمى !
ولا إنت ما ودك تشوف ؟
..
عطني يديك ..اشتقتها ..
لو تدري كيف احتجتها..
احتجتها وعجزت اقول !
و إن قلت .. خالفني الكلام !
خايف علي من قسوتك..
... يااااا قوتك !
شفني بعد ما مرّ عام!
و الشوق ما مل و تعب ..
خذني و علمني الكذب
و إني انا ما عاد احب!
و ان الكلام اللي مضى
ماضي ولا اظنه يعود ..!
و لا تعال احضن يدك ..
و اسمعني لا قلت و حكيت
و اسمح لي لا مني بكيت !
يا صاحبي ليتك تعود ..
رجع لي قلبي .. ولا تعود
و ان ما حصل لك مرني ..
و المس على صدري وشوف..
وش كثر بعدك ضرني !
ولا تنتظر مني حكي !!!!
تنتظر مني حكي المس على صدري و تشوف
العرض العادي
