ما كل رجال يوافق لجوي

[frame="11 98"]
ماكل رجالن يوافق لجوي
بعض الوجيه البعد عنها تجاره


اقدر الطيب لو انه عدوي
ولا الردي لو هو قريب خساره


واكره طريقن خافي ومتلوي
واهل العياره تهتني بالعياره


احدن ليامن طاح يبقى متطوي
واحدن قبل طيحته ماخذ قراره


واحدن جزم بالطيب واحدن ينوي
واحدن يمين الطيب واحدن يساره


واحدن روى بالطيب واحدن يروي
وشخص يكن وشخص عنده جساره


واللي يسولف بالفعل مايسوي
خف من هذاك اللي يغطي ستاره


وانا ادري اني مابعد شفت توي
لكن جمعت من البدو والحضاره


من لن كوابيد الزمان المكوي
ماهو مميز برد وقته وناره


وانا لربع الجود ابشب ضوي
وابحط للقلب الفهيم اعتباره


،الشاعر عبدالكريم الجباري
[/frame]

صح لسان الشاعر عبدالكريم
ابيات كتبت من ذهب
اشكرك اخي الفارس ع الاختيار المميز