الزلة اللي تجي من صاحبن غالي
حاول على ما تقدر تمررها
لا لا تدقق بها ولا تبالي
خلك مثل منت حتى لو يكررها
قدم له العذر فالاول وفالتالي
ودمح خطا الثالثة واحذر تكبرها
خلك على ما يقولو مضرب امثالي
الناس ماهي كذا دايم خواطرها
يمكن ظروفه قست واتغير الحالي
والهرجه اللي بصدره ما يبررها
واحيان سوء الفهم في بعض الاقوالي
يكسر علاقة وصعب انك تجبرها
واحيان حزة غضب تعكر البالي
واعقولنا ابليس شاطر في تغررها
يالله اني طالبك في حصد الاعمالي
تغفر ذنوبي وحسناتي تكثرها
وصلاة ربي عد ما طاح همالي
على محمد رسول الله ونيرها
الشاعر / سالم سعد الجوهري
الزلة اللي تجي من صاحبن غالي
العرض العادي
