شاعر سيناء

الشاعر عنيز بن سالم الترباني من شعراء قبيلة الترابين القاطنه جنوب سيناء ووسطها وهي أحدى القبائل التي هاجرت من الجزيره العربيه واقامت في شبه جزيرة سيناء
وقد نالت قصائده اعجاب الأجيال الماضية والحاضرة وقد قمت بكتابة بعض قصائده التي سجلتها من شريط كاسيت بصوته واليكم بعض منها:
0

البار حة والقلب فالليل مابات والكبد ما طايب عليها عشاها
بين اللسان وزيبق المخ شبكات عند القصيدة كيف نوضح اسماها
قال اللسان ان كان العلم كبات خساير الطلبة على من بناها
والمخ قال العين للشر مبيات ومروادها هوالسبب في عماها
وقال المراجل بطلت والحيا مات والناس صار وجوها زي قفاها
واعرضت عن نص السوالف من سكات ودلو الظمى لا نقرط وراها رشاها
وشديت علي من ركاب الأحيوات عوصن شحمها ما يغطي كلاها
أودت بي تخدلج مع نبوع الرخيمات وكنت من الفيحى بلاد التياها
وتلفي عريب ينقال عنهم الفهيدات الكلمة العسرى عليهم دواها
ذباحة للضيف عبس الملبات وضيوفهم تصبح تنادس لحاها
والا بني عقبة تقول ناس باشات بس ماعرفنا جودها من رداها
قالوا طلابه هايفه وشرها مات وزغراتها ماهو مغطي غناها
اللي شرع القانون بالعار للعار بالذات لاهم ترابين ولاهم تياها
زود البنتي أصعب من الصعيبات وش كود أبوها اللي فحلها عطاها
تحتج من ديرة الى سبع ديرات وتصيب اللي فديرتها يفتش خطاها
أنتم تياها وتشتكو من المسبات ويجب على الطلبه نغير اسماها
وتقول للرجاّل يكفاه مافات والعشقه اللي ماتوانس بلاها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
ياراكب اللي ماتهاب المواريد وقل ما ترظم عليها لحالي
من مصر تتبع غير بدع المساعيد وتلفي على اللي به علوم الدلالي
هذي العلوم اللي به أخص ماريد ألذ وأذكى من الغدير الزلالي
وتقول كيف الحال والربع يا رشيد أنا اطمنك على حال ربعي وحالي
ياماحلا يارشيد حسن البواريد وحنا طلايا همن على راس عالي
وفالوجه تنشد ولاتهاب التناشد ثريك مرسل من صديق وغالي
وخليك في فرز الرجاجيل صنديد وعينك من اللي للمشاوخ موالي
وقول كيف الحال والربع يارشيد أنا طمنك على حال ربعي وحالي
وقل للأمير عنيز صكو به القيد قيده حديد ومن مراره شكالي
يامير ليش تقفلون المحاديد وحنا صداقه من زمان وغوالي
ياميرانت سيدنا وانت لك سيد سيدك فهد سيد وللحكم والي
ويامير ياما الحمد دونه مسانيد ويوم يبين عنصره الرجالي
حنا قضينا العمر نصه مطاريد إنام في ليله ونسهر ليالي
ونوبه يلزونا عرب زيد وعبيد ونوبه يلزونا الطنايب خوالي
فالجرف الأيمن تمرح جند بزنيد وأم الوحيده تصبها اللهلاني
وأصبح علينا الصبح في مولد الصيد ولحقوا ورانا ملعنين الأهالي
وصار الثميدي مثل طرح المراقيد ويساوم الروح والعمر غالي
ان قالوا رشيد تعمين برشيد يوم الطريق انسد يقلط بدالي
ومن يوم صار الراي بيد الولاليد ويطولوا ويقصروا فالحبالي
مثل النياق اللي شحمهن عرابيد بعا الدرن للزمل وهنه متالي
ان شاف الحكومه قال يا جدنا حميد وما قرب لراسه غير خشم الشوالي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ

بسم الكاتب والبدل والجلاليب أمر صدر لي من أصحاب الحكومه
يامرحبا بالضيف جملة تراحيب حنا سعدنا بلفيته وقدومه
أنتم أصحاب الراي وانتم المعازيب والنا عليكم غير حاجات شومه
ولكم علينا حق ولنا مطاليب والشعب ماله غير راي الحكومه
ضباطنا وشيوخنا والمناديب ليا هلكنا كل قضى لزومه
احنا ورانا يوم ناره لهاليب وجثث قديمه ماكلتها البرومه
صدمات حنا في الراس خلنه يشيب ومن ذاق صدمات الدهر لا تلومه

كان الشاعر في مصر وأبنه (عشيش) في سيناء وقت أحتلالها من قبل اليهود
وبعث له قصيده يسأله فيها عن أحواله , وعن ( معشيةالمقاوي)وفي
سيناء يسمون البندق معشية المقاوي أي معشية الضيف
ويقومون بمسح الرقم من البندق التي يشترونا من الجيش 0

ياونة ونيتها عقي نيمه -------- والعين تتنوش من النوم تنويش
يا ( عشيش ) لك عندي وصاة مقيمه -- وصيّةاللي جرب المر ياعشيش
ياعشيش لاتاكل عقاب الوليمه --- ولاتمثل للرجال الدراويش
وخلك صبور وخل نفس عزيمه --- وأرضى بكومك لوعطوك الكراكيش
ترى أبوك صبّح في بلاد الظليمه --واصّفر لونه زي ذها ب الخراطيش
عقب المعزه والثياب الدسيمه --- ورص الزبيديات جنب المهابيش
صرنا هفايا مالنا ذات قيمه --- وبس ليش يالدنيا عملتي كذا ليش
وعسى ( معشية المقاوي ) سليمه--- اللي مضا على رقمها قايد الجيش

زار الشاعر عنيز بن سالم (خط بارليف ) بعد تحريره من اليهود بعد حرب 1973 0

ديارنا اللي للمراجل دعتنا --- وتحرمت على كل واحد ظلالي
حنا تلوعنا وهي لوعتنا --- ومنها مشينا وفي نخلها دوالي
ويوم الليالي في الشرك وقعتنا -- وربت لنا جرح ودوا الجرح غالي
لزم نرد ديارنا بمعرفتنا----- ولزم نحررها جنوب وشمالي
ونجيبهالنقوم الله بختنا ---- وان قام حظ اللي خشبهن يلالي
ومدرعه زالزحلفه من تحتنا ---- ومدفع قوي حسه يهد الجبالي
وجيوش من كل النواحي لفتنا --- لما أستولت على السهل والجبالي
وخلى العدو يرحل وحنا ثبتنا --- وجينا نزور ( وخط برليف ) خالي

قصيده في الرجل اللي يكرمونه العرب علشان سمعة والده الظفر الشجاع الكريم علما بأن الولد
لم يظهر مثل والده في كل ماتقدم 0

ياراكب اللي زاهيه بالرحلي --- اللي شحمها مايغطي كلاها
حبيت أوصي صاحبي لايزلي -- وصاه من صاحب لصاحب هداها
أوصيك يا ( سلمي ) مصاة المولي -- اللي شبع من حلوها ومن شقاها
أوصيك لاتجلس وراسك مدلي -- في الجلسه اللي كل ينقل نباها
واوصيك يوم ينومون المصلي -- ترى صلاة الليل دسمن جزاها
وترى السعاده دونها شوك سلي ---أن كان ما مشيك يوصلك ياها
وياما لحود من الرياجيل ملي --- وياما هفايا عايشه في ذراها


أرسل هذه الابيات الى جماعته في سيناء 0

ياراكب الي مايهاب المشاوير ---عود على خرجه تلايم عداده
ابوه شروه من نياق (المناصير ) --- وامه شريناها من ابا الرفاده
وذويرعه مجدول سير ورى سير -- وخرجه سواة معطرات الوساده
لقه طريق البر مع هل المشاوير ----- وخله على وجه الكريم أعتماده
وتزورلي سكانت البر وتجير ---- وتجيبلي منهم علوم السعاده
وتقولهم علم العرب طاح في بير --- ومن خوف يظهر راصدينه رصاده
والابد ما الدنيا لواليبها تدير ---- والحق يظهر يوم تظهر أسياده

ويقول الشاعر عنيز أبوسالم الترباني مرسلا لصاحبه اللوط البلوي هذه القصيدة ومعاتبا له في دين منه يطلبه وذلك عقب احدى رحلاته ؟؟؟

علومن يصدرين وعلومن يردين ..... وكل العلوم الطيبة يوصلني
يالوط سولف لي على دود شيبين .... يوم انقطع منك نصيب المحلي
ويالوط سولف لي منازيلكم وين .... وأنا كمان أوصفك منزل لي
تلقى منازلنا قريبة من العين ..... وتلقى مراشدها علينا تدلي
وتلقى دبشنا قليل وباسنا زين .... وصدورنا من هبة الريح ملي
ونستقل باللي فالمناطق كثيرين .... ونستقل باللي عند نصيحة يولي
حنا بقوم ولقبونا ترابين .... وقامت تزعزعنا حروب الدولي
ويازين مالاقيك يالوط يازين ..... ودله نفضيها واثنين ملي
وتسمع رطين معدلات النواشين .... اللي براطمهن تقول شوك سلي
ورقب أنا وياك وخويانا اثنين .... من فوق نصله بين شمس وظلي
ولمى تفرقناه واحنا مكامين .... والركب باللي نصهن خذ وخلي
وقمنا ننصاهن وهنا مضامين .... وخلن على إثرهن ذلول المغني
ومحملات الزمل ................ والفجر الأول صبحن خشم المصلي
ونقى المدايس الصقور الشياهين ... من كل حدروب نديه يشلي
وتفرق ....... أصحاب الملايين .... وكل يقول لبيعه بارك لي
والعصر ما باقيها غير ثنتين .... وأنا بساوي عهون ماحصل لي
وارسل سوالفنا شوق اصبر العين .... اللي علومه فالمجالس يتلي
وتقول يالوط لي عندكم دين .... اياما تخلصني يا تعتذرلي
وسلم لي على اللي ف دياركم مقيمين .... ملوكو وشيوخكو لا تخلي
وادخلك على الله عن نهار يجي شين .... وعن شر واحد على النبي مايصلي

هذه الأبيات يداعب فيها تارة بندقيته وبعض المديح ومؤكداً على قيم البادية وأخلاق البدو وحميد عاداتهم من قرى الضيف واحترام الجار وإغاثة الخائف قائلاً :

شدن بنا ثنتين ضمر وسمان ... ما فيهن اللى رزمت للحوارى
والدرب جابتنا شمالى غذيان ... ومسلحات بصنع دق النصارى
والفجر جن بنا على ناس عمران ... ارجال يوم تشارهة ما تشارى
تلفى على بن مسك شيخ وله شان ... والشيخ ما يجب عليه المدارى
وتلقى دلال الكيف فى بطن ديوان .... شقرا محلى بنهن بالبهارى
وحتن الغداء يقلط لنا بأعز ما كان ... بر الذى يكفى ظيوفهم والفقارى
وعقب القرى يا جب على الظيف نشدان ... ينشدك وأنت تقول صارى وصارى
تقول أنا قعودى راح ومن كان ... ومنشدى شرقى سويقى فى ملاج الحمارى
وما لزنى على منشدك فقر قعدان .... واترك لك الموضوع زى ما توارى
أنا قعودى من سلايل اوظيحان .... صقراً تعشم بالغدا يوم طارى
احن حسانا وافعل بحق الإحسان .... وجت معرفتنا فى السنين الوخارى
أخوك ياما انلزفى غور بيسان .... والولد نومى فى عبوب الغذارى
وياما صابحت الموحلى بأم خيران .... اللى خشبها زى الغديرى يترارى
وخابر لهن فى برقة السد مكمان .... والذيب له فى حنوة السد دارى
لفيتها بالرجل من أربع أركان .... باب الشمال البقع وعيون قارى
ومطلع الشمس الحرة ودشة معان .... وشرقى تبوك أولاد ولد الامارة
وباب الصلاة الشرم وكحوف تيران .... والرملتيين ومع قنيت البدارى
والغرب من مطروح لهظبة أسوان .... فيه المصليين نص السكارى

الشاعر عنيز يرد على رسالة صديقه من قبيلة بلى ويخص اللوطة ويقول


جانى عوض ويقول لى فيه نشيده...... لولا الصدقة ما عليك استسريت
ويقول ابن حمدان مالا وليدة....... باعث جواب يقول به كيت من كيت
ولقيت على الجبرى هواى استفيده..... من خوف شىء عن معانيه زليت
وشديت على من بنات السعيدة........ واعز ما فى ركب بلي تنقيت
من جريها قلبى تقطع وريده...... من كثر ما جربت منها وقاسيت
قاصد بلاد الوجه واطرى صديقه..... مربى النياق اللى تزروع كما العيت
وتلفى على اللى له بكارج مفيده..... عقال ظيف الله ان اصبحت وان امسيت
مركى ومكوع وكثيرة وهيده..... ويقدمك لزاد لو انك تزازيت
فى منزله تمضى الليالى سعيده.... يمضى عليك الحول زى يوم ما جيت
وتقول يا اللوط جتنى من قصيدك قصيده.... عرفت معنا هى ومنه تمليت
وقولك مركز على مساعي مجيده.... لنك بتقصد على المراجل وعلى البيت
ومن ضمن قولك تمدح اخوان عيده ....وانا غيور وسرت اقوصد على الصيت
وللبيت راعى قابض العرش فى ايده ....خالد احماة الدار ويا نعم ما اطريت
خالد عقيدة الشعب والله عقيده ....واسلاحهم بارود ماهو نبابيت
واسلاحكو فى الكون ما ينهوي به... يا كم واحد قال منه تؤذيت
والمرجلة ما هى عليكم جديدة ....هذي ليكو من يوم دق الثوابيت
ابن سعود اقضى عليهم اوليده.... واسهل مناطق عندهم قول اقضيت
ما عمر جده صار للقوم صيده.... وصلف على اللي وجوهم زى العفاريت
فعل الرجل يغنيه عن فعل سيده.... وان كان فعله شين ما ينفع الصيت
حنا نريد الحمد زي ما تريده.... وفى بر مصر ارجال زى ما تهقيت
وقولى ليكو والله ماهو مكيده ......ومن حقنا فى حقكم ما تعديت

وقال هذه القصيدة بمناسبة تحرير سيناء

الله هدانا وانتصرنـا بعـد حيـن .....وحبل الخطا ياجب على الناس طيه
شايف علام النصر فوق المياديـن ....والجيش به فرحه وبـه روح حيـه
واطلب من اللي يرسل الما من الغيم ....يحمينـا الزعيـم مـن كـل سيـه
اول شربنـا مـر سبعـه وستيـن .........يوم الخـوي بنـدرج فـي خويـه
ومنها وقفنا فـي ثلاثـه وسبعيـن .....الوقفـه اللـي كـل يسمـع بهيـه
وصرنا نكاونهم نهـارات وسنيـن ......لما خذينـا الحـق وفوقـه شويـه
وهضاب سيتاء يشهـدن للمعـادي......ويشهد لنا ( برليف ) في هدم ثيـه
ولانسيت القدس وباقـي فلسطيـن ......وطابا وشرم الشيـخ راس اللويـه
واللي علينـا فضلهـم عسكرييـن ........اولاد يسـف وحربهـم سـم حيـه
يوم المعارك تشوفهـم كالشواهيـن ......الخمستيـن يكاونـوا خمـس ميـه
واللي جعلنا نقسـم الحـق قسميـن .......شر الحروب وشر سفـك الدميـه
وحنا فتحنا البوم للزيـن والشيـن .......أخير من اللي طمعته فـي خويـه
في جلسة الخرطوم مافاد ياحسيـن .......رد النواقص هي أسـاس القضيـه
وجبال سينا شفتهـن يـوم يبديـن .......وعليهن من زين التواصيف غيـه
الله رزقها المن والزيـت والتيـن ..........واللي ربها فـي ارضهـا واهنيـه
وانـا سنانـي والقبيلـه ترابـيـن ............سكانـت الجنـوب وادي عطـيـه

شكرا لك اخي الكريم / الجذامي ايرادك بعض من قصائد الشاعر الكبير / عنيز و كل عام و انتم بخير و صحة و عافية

وأعطيك بيتين ينفع تقولها للي به نذاله الله يكرمك وتدل على روح الشاعر الدعابية وهي انه طلب من شخص مال يقرضه فلم يعطه وقال..

قصر بختنا وحوجتنا المقادير .... ندور اليسرى من أضرط عباده
لما غدينا مثل السيوف الدواثير .... واللي لنخيته وهو بّلد لك زياده

قصيده مختاره للمرحوم الشاعر / عنيز ابن سالم الترباني ---- سيناء 0


البارحه في الليل ونيت ونه ---------- ماذقت لذ النوم لما القمر غاب
والقلب يشكي والسبب كان منه ---- مصايب الدنيا توريك الاعجاب
قم ياولد هات القلم وابر سنه ------- واكتب لنا من خالص القول ماطاب
واسي على اللي فايت الربع سنه --- واختار له من بيشة اللوز مشعاب
خرجه ثلاث أسنين وهن يغزلنه --------- مابركه في رقعة السوق جلاب
وذويرعه طول وهن يجدلنه ---------- لما معلمته شعر راسها شاب
نص الطقش ماتشبع العين منه ---- كله هدايا من محبين واصحاب
سوقه على اللي تسأل الركب عنه ------ وتقول له كيف أنت يا عز الاحباب
يعطيك من بينون هرجه محنه ------- ويعطيك من علم الرياجيل مثقاب
وقليل اللي ياخذ الحق منه -------- ان صار ربط وحل وابرام واقلاب
وتقول ابوسالم ذنوبه رمنه ------في النقره اللي يعيشن اسباعا كلاب
وتغور دار الذ ل لوكان جنه ------- وجهنم السعرى ولاقفلة الباب
ولاتحسبو علم العرب ضاع منه ----- ولاّ تغير موقفه عقب ماشاب
والدون ماياجب لك القرب منه ------- وعليك بالطيب أن دورت الانساب
وعمر العداوه ماتربي محنه ------- ولو تسحق الترياق للخبث ماطاب


حصلناها ياخواني بحدى المنتديات والحمد لله لقيناها كاملة وكنت حافظ البيت الاخير
وهذي قصايد منقولة من منتديات النداوي وغيره

يا مـبـهر الفـنجال مـن بـطن دلـة=عـطنـي ثــلاثـة صـبـهن بانـبـساطـي
الاولــه غـــــديت للـــرجــم ظلــه=والـليـل قــضــيناة بــين الـعــواطــي
البارحـه لـمـا مضــى اللـيل كلــه=يتـــقــودوهـن بـين عــالـي وواطـي
لحقن ولحقوا فوقهن زي الغوالة=يميلن من العالي طـريق الـهـباطـي
والـزاد كـمـل والـروا صـار قلــة=لامـالـن الـطلـعـه يـسـيرن فـطاطـي
يلفن على اللي بكرجه في محلـه=حـاسب حـساب اللي يجـنة نـواطـي
يا رب لاتكــتب عـلى العـبد زلــة=يـغـدا زمـانـة بـين صـايـب وخـاطـي
يـركـب اللـي دورعـة زاهـي لــة=ضـامـر وقـطع عـيشتة في الرباطي
تلفي هذاك وفي سريرة تقول لـه=يـفـزع مـع اللـي يلحـقن لا يـطاطـي
حـتى يـذوق مسـهلـبـات الأخلــة=من عين قرم يجي على راس واطي
لاهـو حـلالـه الشــجر يستـحلــه=ولاحــرمـه رب الـسـما والـمعـاطـي
واللـه ثلاث اديان واللـه واللــه=قـادر أقــول ان مـقـطع الـعـبد واطي

كان عنيز في الاعمال الشاقة على جبل فرأى بدويا على ظهر جمل فتمنى ان يرسل معة رسالة إلى نسيبة سليمان ابي سريع

ياراكـب اللـي زايـد في هـبـالـه=خذ لك من ضمن المراسيل مرسال
سوقة على اللي زاهـيات دلاله=شـــقـــر زبـيــــديـات يـنعـــدن دلال
فـعـل الرجل مـا يرتـبط بـجماله= المرجلةمن حال والزين من حـال
وتـقـول له حـنا غـديـنا عـوالـه=داري خراب وكل مقشور في جـال
اترك زلال البير واشرب حـثاله=اشربت من سـم الثـعـابين فـنـجال
لومي على اللي يدعون الثقالة=وأنـاكسـير الـساق ومـغبر الـحـال
لي قلب نار وزايـد في الشعالة=عـند الخـطا ماتلقى للشـر مـكــيال
ويصبر المبلي على ماجرى له=زي ما تهـقى في بنات اخ الانـذال
كل واحـد تابـع إلى راس مالـه=والـمـلك يـامــا فـيه طـيب وبــطال
لي صـربـة كـل يــدور اخـوالـه=مهما يكون العم ركك على الخال


أن الكثير منا يتذكر ذلك التا ريخ العظيم 6 أكتوبر 1973 في ذلك اليوم حطم العرب اسطورة العدو الصهيوني وحطمو ا ( خط بارليف)
وعبروا سيناء وحقق االعرب اول نصر تاريخي في التاريخ الحديث على أسرائيل0
وقد قال الشاعر الكبير المرحوم ( عنيز بن سالم الترباني هذه القصيده التاريخيه بمناسبة ذلك النصر نورد مانحفظه منها

هذي القصيدة قالها الشاعر عنيز وده يصلح بين قبيلتي بني عطية الذين هم خواله وقبيلة الحويطات فكان بينهم عداوه واصله للشتايم
وشيع هذه الشاعر قصيدتين وحده للطرف الأول وحده للطرف الثاني اللي هم خواله بيكونوا
وبيقول لهم وبينبهم بطولة الروح والأبتعاد عن الشر وبيذكرهم بعاداتهم الأصيله
وهذي القصيده اللي شيعها للطرف الاول وهم بني عطية




من كثر ما قظيت عمري وانا اللوب=وفرقت بين الفايده والخساره
لما عرفت الرزق من داخل البوب=وطرقك ابواب الرزق ما هو معاره
يا راكبٍٍ من عندنا فوق ميدوب=ممشى شهر يتنوشه في نهاره
عليه من وسم الترابين غبغوب=وعليه من وسم المعازه اماره
لقيه درب ويفرقًً منه دروب=ودرب الطبيقه تخله ع يساره
واغشى تبوك ونشد الناس باسلوب=ولا فرق بين الباديه والحظاره
وتلقى الظيف الله مآكل ومشروب=والغانمه فرسة ولاد النماره
يقدموا لظيف اللي احلى من الذوب=من اصفر تداوى الراس ريحه بهاره
وحتن الغدى يقلط لنا بأعز مطلوب=بحوفٍٍ وناس يقدموه بيساره
انا خوالي ساسهم مقطع حروب=والبر لو خرب عليهم عماره
وتقول يا بن حرب الصبر مطلوب=إكرم ربيبك لا تبين اعواره
والشر لاتشريه لن جاك مجلوب=ما من شرايت الشر غير الخساره
دنياك لو تنظر لها كلها عيوب=ما ظل عِد وما أسطبت لك قراره
واللي حصل نلقاه فالجرد مكتوب=لو تدحره عنك صعيبٍٍ اندحاره
يوم الدهر لَبس لنا الثوب مقلوب=نترك حلاواته ونشرب مراره
ونصبر على الحاظر كما يصبر ايوب=وماظي جدودك غير وده انطاره
والذيب صبح يلبس القرن مقلوب=واستذيب الحُصنِ عليك البشاره



أما القصيدة الثانية لقبيلة الحويطات


برقٍٍ علـى القبلـه تقَـزلَ سحابـه ......خِلته وانـا سهـران والذيـب نايـم
يا راكب اللي مثـل قـوس الربابـه .......شـارب لبـن ثنتيـن امـه ورايـم
لـو طبعـه ركيـب خبـلٍٍ عثـابـه ...............ولا الخـزَم مـا يقرعنـه صرايـم
مِزْيَنْ وَبشه عقـب مـا طـق نابـه ............طيرٍٍ غُرُنْـق وطولـة الليـل حايـم
جـود معاليقـه وقـلـل زهـابـه ...........ودون الوجوه المفلحـه مِنـتْ نايـم
وخله على يمنـاك زاحـول طابـه .........والئِتمْ الأيسر هـو طريـق الغنايـم
وبين الحسِي والجِرف تلقـى ذيابـه .......شُقـر السيـوف مغربيـن الوسايـم
يا ما انكفوا ع ذود مـن راس لابـه..........ويا ما أفطروا ع راس والسيف صايم
السيف ما هو سيـف لـولا انصابـه .........السيف جيد في إيد ابـو حـظ قايـم.
وتعظَمْ في عيـن الصغيـر الذبابـه.........وتصغَرْ في عيـن العظيـم العظايـم
.وتقول لابن جازي ان دارك مهابـه .....وعسرة على خصمٍٍ قـوي العزايـم
وتقول لابـو تايـه كفانـا صلابـه .........ياما ارتكبنا مـن الصلابـه جرايـم
واسمع قصيد عنيز واقـرى جوابـه.......انسان ما لـه ف البـداوه خصايـم
انا سمعـت ان بينكـم زي الطلابـه..............قصيـد عـذب واصــلٍٍ للشتـايـم

والله أعلم تصالحوا ولالا

وقصيدة قالها في حرب أكتوبر

يالله يامحي القرايا بالامطار-- ياجاعل العقل للعبد زيه
العله اللي بين جارين مع جار --يموت بالعلة وهم متعبينه
لما زعيم العرب صمم على الثار-- الله على ظيم الليالي تعينه
(والسته ) اللي ولعت فيهن النار-- وتاريخن كل العرب حافظينه
سته قضيناها طويلات وقصار --وحنا نعمّر بالجسور المتينه
ماشاف جيشه كيف في لجة اسوار-- لماغدن مدرعاته سحينه
(وابن سعود ) أعطى الكلاعين لنذار-- يقول بترولنا محنا لكم معطيينه

وهذا بيتين قالها عنيز مادحا للبل السبق

ياراكب حر ولد حر .....لا هزيل ولا عظامه رجاج
يقوم من قليوب ومقيله بسر .... ويرمي خرجه فبالعجاج

قليوب محافظة في مصر سر منطقة قريبة من الشرف وحقل أبا العجاج قرية من قرى تبوك

وللموضوع تكملة...

مـــــشكوووور
في انتظار جـــديــك

الاخ الفارس وانت بخير وصحة وسلامة
تقبل تحياتي

يا هلا بالمشهوري وستجد ما يسرك

[align=center]

الاخ : الجذامي ..

نقله موفقه في هذا الشاعر الكبير .

شاعر يمتاز بالمعاني الجزله وبطرافه .

شاعر خلد قصائده للماضي والحاضر .

مع أمنيات لك مزيد من التوفيق والنجاح ،،،،،،[/align]

شكرا اخوي
سلطان الهوى
فالشاعر عنيز شاعر وحكيم فلنتذكر هذاالبيت
المراجل بطلت والحيا مات ....والناس صار وجوها زي قفاها
تقبل تحياتي

[align=center]


أنا من القرا والمحبين لهذا الشاعر السناوي شاعر يتكلم من عمق البادية والصحراء القاحلة ..

شاعر تملئه البساطه والكلمات الجزلة والصعبة كما أنه يصف أخلاق البدو ومكارمهم وأنواع الناس باطبعهم والوانهم .

وهذا البيت مشهور ويتردد كثيراً .

وقال المراجل بطلت والحيا مات والناس صار وجوها زي قفاها

العقبي الجذامي ::

والا بني عقبة تقول ناس باشات بس ماعرفنا جودها من رداها

أنعم وأكرم في بني عقبه أهل الكرم والجود وأصحاب قضاء ولم نسمع عنهم الا كل خير .

أشكرك على ماأمتعتنا أيه فتقبل تحياتي .. [/align]