[poem=font="Times New Roman*6**bold*normal" bkcolor="transparent" bkimage="" border="none*4*" type=1 line=0 align=center use=ex num="0*black""]
انا ماهمني حب القوافـي والبحـر والحـور=انا جيت اكتب الآهات تشرح خافي الصـوره
ابرسم جرحي اللي له سنين بالحشا مغمـور=تحت حدب النحايف عايش له بارض معموره
عمرها من زمان اول وباني في حشاي قصور=قصور شيدت بأحدث عمـاره مـار مهجـوره
هجرها اللي بناها والخطا في قصة المغـرور=وزودها الزمان اللي قسى والنفـس مأمـوره
بعد كانت عمار وفي فنها الطيـر والعصفـور=توطتها محول الوقت والسور اقفـت اطيـوره
وخلتها البلابل وابتعد عنهـا حمـام السـور=هجر حب النوافذ والرحيـل المـر جـا دوره
وذبل ورد الحدايق والعذوق التمر فيها بـور=وضمت كل العروق وهي بحب الغيم ماسـوره
بعد كانت كما الجنه غدت مابين نـار ونـور=غشاها وقت اغبر وامست الاحـلام مكسـوره
رحل عنهاالنزيل اللي نزلهاوالزمان اسـرور=بعد ماغروه عـدوان السـلام وزاد بغـروره
وانا ماقد غلطت بحق ذاك الشخص شي مذكور=انا كنت الوفا واهل الوفا والطيـب وسـروره
لاكن هذا زمنا سار به حتـى الوفـا مكسـور=زمن مابه صديق ولاحبيـب فاحـت عطـوره
يضيم الحر ويزود عليـه البهدلـه والجـور=ويعيش الحر في هذا الزمن والنفس مقهـوره
زمن سارت به الانـذال كـل ماسـك طابـور=يقودون الرجال اللي بوقـت فـات مشهـوره
لاكن مادام هـذا وقتنـا فيـه الوفـا مقبـور=انا باعيش راعي للوفـا واعيـش فـي دوره
وعسى الله يبقي الاسلام دين وللخلايق نـور=وتبقى مملكتنا في رخـا ويعـز اخـو نـوره [/poem]
للشاعر عايد ربيع الحويطي
((محفوظة الحقوق))
"عــــدوان الـســـــلام"
العرض العادي
