يا بنت أنا نفسي عزيزة كبيرة

[align=center]
يا بنت أنـا نفسـي عزيـزة كبيـرة

والكبر لنفـوس الصغـار المساكيـن

لا تتْهميـنـي بالعـلـوم الخطـيـرة

وأنا بـري مـن التهـم لـو تقوليـن

ما بي غرور ولـو حكمـت الجزيـرة

ولانـي بمتكبـر ولـو لـي ملاييـن

لان الكبـر لله مـا لاحــد غـيـره

مثقـال ذرة منـه لـو هـم نبيـيـن

الكبر يجعل نفس مـن بـه ضريـرة

تشـوف خلـق الله صغـارٍ وشينيـن

الكبر لـه مظهـر ومخبـر وسيـرة

لـو حـاول يخفيـه راعيـه بيبـيـن

مـا أجـر ثوبـي واستخيـل بعبيـره

ولا أمشي كما يمشي من يغوص بالطين

أسجـد لربـي وأعبـده واستخـيـره

وأخاف يوم المـوت والبعـث والديـن

نفـس البنـادم لـو تعالـت صغيـرة

يا نفـس والله حالـفٍ مـا تطيريـن

يـا نفـس والله مـا تروحيـن ديـرة

لو رحتي لباريس والهنـد و الصيـن

أشعبـك شعـب الأدمــي لبعـيـرة

إن شفت بك كبرة وبك منظـرٍ شيـن

يا نفس خافي يـوم كشـف السريـرة

يوم العباد عبـاد لـو هـم سلاطيـن

الشعـر هبـات الـحـوادث تثـيـرة

وأبديه لجـل القلـب يرتـاح ويليـن

ما أكتب حروف الشعر من شان ليـرة

ولا أكتب لجل ينقال شاعر من سنيـن

أكتب لجـل مـا أبـي بليلـة منيـرة

ينشاف دمع العين لـو صـدت العيـن

وإن شفتـي أشعـاري تفـك الجبيـرة

ما هو كبـر لكـن خطـا أو تفانيـن

أحيانـا العجـلـة تغـيـر مسـيـره

وأحيانـا الشاعـر تغـرّه بساتـيـن


منقول [/align]