ياماحلا المكشات مع طلعت اسهيل
بآخرطلـوع النجـم واول هـدادي
القيض مقّفـي والمشاتـي مقابيـل
اول طلوع المزن وآخـر جمـادي
لاقالوا ان الثريـا اقرانهـا سيـل
حـدّر الشعبـان وسالـت بـوادي
من الخريطه وانته مقبّـل تقابيـل
لمن تا صل لضربه وذيك البلادي
جاها مـن وبـل الثريـا هماليـل
سيلهـا يلعـب بـروس الحمـادي
ومن بعدها ريضانهـا كنهـا نيـل
ربعـت السهلـه والـلـي اردادي
وقفت الاضعـان يمـه جهاجيـل
وسـار بركونهـا نـزل البـوادي
وانا على جيـبٍ جديـدٍ وبالحيـل
جديـد تـوه ووراقـه جــدادي
والعزبه جاهزه ومكمله بالمعاميـل
ومحصل من البدوان بعض الودادي
مع خـوةٍ كـل ابوهـم حلاحيـل
صقور جـوٍ وبالبـراري عـوادي
خالد بن عيـد وغيـره رجاجيـل
يامـا خـروفٍ للمجـازر يقـادي
من بعدها ياحلو حكـر الفناجيـل
في مهمـهٍ قفـرٍ ربيـعٍ وهـادي
والنوار تلعب به الذعاذيع ويميـل
وام سالم باقصى الحجاري تنـادي
والغربي أطّير وتلعـب بالمناديـل
العصر يوم هبـة هبايـب بـرادي
من بعدها نشـرف منـا وتشميـل
ونلقى أثرهن بالمـذاري جـدادي
ونبطـح حويـان اسمـر الذيـل
والآخـر بلامـانـي إ مـجـادي
ونرجع على العزبه مع طيحة الليل
ونشوي الاكباد وبعـض النـوادي
من بعدها يازيـن حلـو التعاليـل
هذا هوى نفسـي وهـذا مـرادي
لاحولـي مفـحـط ولاقلاقـيـل
لاحولـي مفحـط ورجـة روادي
مبعد عـن اللـي هواهـم تماثيـل
اللـي للـدش والبـلاوي عبـادي
هو والمره على الشاشه دايم تواليل
عفـنٍ أكثـر حيـاتـه رقــادي
هذا وانا من الهجر مرضان بالحيل
وعن الهوى والعيش مسوي إحدادي
ياماحلا المكشات/الشاعر رفيع الشوامين
العرض الشجري