(سميت بسم الله)قصيده للعواجي

الشاعر والراوي القدير/محمد مبارك الذيباني الحويطي
استطعنا الحصول له على قصيده جمع فيها قبائل الشمال
واثنى بالطيب على بقية القبائل.
اترككم مع هذه الباسقه لااحد كبار شعراء الحويطات منذ
زمن,,,,
[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سميت بسم الله وكيل الوداعه=يالله ياوالي على كل والي
وعبدالعزيز ارخى علينا قناعه=يوم اعتصم بالله عزيز الجلالي
حكم بحكم الله راعي الشفاعه=شفيع الامه في نهار الاهوالي
كل خضع لامره بسمعٍ وطاعه=واسس حدود المملكه للعيالي
على جميع الملك ضافي نفاعه=وإحنا لحكمه ماندور بدالي
في جنة الفردوس يسكن بقاعه=مرحوم ياعودٍ تاريخه يلالي
وإحنا حويطاتٍ بعز ومناعه=في اللازمه ترخص جميع الغوالي
وابوطقيقه شيخ ماهو بتاعه= شيخٍ ولد شيخٍ بعيد المدالي
شيخٍ يجيب الطايله من ذراعه=يحل عسر معقدات الحبالي
شيخٍ لضيف الله وسيعه رباعه=الله يجيره من صدوف الليالي
وارد واثني ع قبايل قضاعه=حقاً علىّ اذكر حديدٍ موالي
من كم عاصي علموه الطواعه قبايلٍ تذكر بكل المجالي
وياحرب ياهيل الكرم والشجاعه=شيوخهم ترسي مراسي الجبالي
وشمر هل الطولات يوم الفزاعه=شيوخهم مثل النجوم العوالي
وعنوز يوم الخوف وقت المجاعه=ياما زبنهم كم خايف وجالي
يعزوا المجنوح عقب انقطاعه=شجعان تاخذ حقها ماتبالي
وبني عطيه عز يرفع شراعه=اهيل نخوه يحتمون التوالي
وان سار فيها عدلةٍ وانجضاعه=يعفوا عن المحرج نهار القتالي
وتوايه ماتعرف الانخضاعه=عز الضعيف ويحتمون الرفالي
والشيخ ابن جازي ومن له جماعه=يشداه برقٍ في غزير الخيالي
مثل القمر عالارض يضوي شعاعه=في ليلة اربعطعش عقب الهلالي
والطيب مابين القبايل بضاعه=من راس تنوره الى اقصى الشمالي
الطيب يااهل العرف ماله مباعه=الله يحطه في قلوب الرجالي
والشعر يالشعار وده وقاعه=لازل عن معناه يسمى خيالي
قال الحويطي قول يبغى استماعه=والله مايبغى وراه الريالي
وان كان فيها هرجةٍ وانخزاعه=وقفت لااكملها بحسن الكمالي
ماقلتها من شان عبر الاذاعه=هذا الصحيح وماتصور ببالي[/poem]