السلام عليكم ورحمة الله وبركاته
يا اخوان حينما انظر الي قسم { شعراء الحويطات ..
اتذكر شاعر غابت عنه و عنا قصائده المعروفه بالجزاله ..
شاعر .. من العهد القديم ..يمتلك سهولة الفرده ..
كنت صغيرحينما .. سمعت بشخص اسمه (محمد ابو خليل الطقيقي) رحمه الله
اتذكر شيابنا يومهم "يهيجنُو" بقصائده ..
كانت تارة في الفخر بالحويطات وتاره رداً على قصيده وتارة عن الصاحب وغيره من اغراض الشعر ..
فأحببت ان اجود بما لدي واتمنى ان تجودوا بما تعرفونه عنه ..
هذه مقتطفات من قصائده ..
(قصيده أكاد اجزم انها من عيون الشعر لجزالتها وهي معروفه ومذكوره هنا)
ياراكـبٍ عشـره يـزوزن بعشريـن=قـب العـضـود منقـحـات الـجـدودي
زي الأدآمـي فالتواصيـف والزيـن= ماكادهـن مشـي الـتـرج والسـنـودي
يلفن عابـو تركـي عـدو العدويـن=سلـطـان بــر وبالـلـوازم ســدودي
موجوده كامله في واجهة الشبكه ..
وهذه رائعه اخرى له في "زرعان" ..فـ لله دره بيتين عن قصيده في هذا الزمن ..!
كثر خوفي على القعدان من زرعه ** باكر ضحى العيد خمني مثل هالحيني
كم من قعودٍ تفوته فوت يا سرعه ** كل مارددوها خـــــيرها يبـــــــــــيني
ماهي من اللي ركظها سرعَــــه ** من ساس جيشٍ يدنٍ البعيدينـــــــــي
وهذة احد قصائدة وهو يصف بها الركائب واعجابه بها حيث قال:
توي كبـرت وصارعقلـي ركـودي×× غيرالركايب تعجبنـي بعـض مـر
قلبـي يريـد مطيـرات الشنـودي×× عطوات ربي نزهة البدوفـي البـر
يالله يامـولاي سـلـم قـعـودي×× يالله يامـولاي فكـه مـن الشـر
اللي خطم على منقحـات الجـدودي×× روح عن القعدان واسقاهـن المـر
غير السعيـده كـل مـره تـزودي×× بنت الاصيل وجايبتهـا مـن الحـر
قامت تجفل بس مـن ظـل عـودي×× وش حال لو هي به على العنق تنطر
بين السدس والربع لقحت صعـودي×× ومن السطر قامت تجر الرسن جـر
قامت تزوع مثـل ضبينـا عنـودي×× اللي رمـاه بوارديـا ومنـه غـر
اللي تجفـل عـن تويـع البـرودي×× ديفي نقرة ماهي حجاريـف وعجـر
*طبعا ابوخليل عنده مربط من الاصائل وتعرف باسم سحيموات
(سحيم ابوخليل)
*السعيده مربط عند جوان(محمد المرداحي المشهوري)
وهذا بيت آخر له ذكر في اذاعة الكويت للشعر الشعبي ولم يعرف لمن ..؟
الأجنبى لا جاك في العمر مره * بماحصله يذكرك طول الأيام
في الختام لا يسعني القول الا ان هذا الشاعر لو وجد الاهتمام الاعلامي لكان يستشهد بقصائده في الساحه الشعبيه ..
دمتم بود .
لـ نتذكر أبرز شعرائنا القدامى ...هنا ...
العرض الشجري