"المـــــهـــــره"

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الجادل اللي بهلها حيل مغروره= فوق الثريا لها منزالها العالي
تفخر بجدانها اللي تنطح الثوره=نهار ضيق الحلوق وهوش وقتالي
ياكنها مهر عند الشيخ مشهوره=عيا عليها نهار الحرب والصالي
كم شيخ قوم يرسل يمها سبوره=وارها على شانها بالجاه والمالي
لاكنها ماشغلها الشيخ وقصوره = والتاجر اللي يجمع روس الاموالي
ماهي من اللي تمجد لاعب الكوره= ماتعشق الاعريب الجد والخالي
تزها لهالشاعر المجنون وبحوره= لامن تفاخر وغنى باشهب اللالي
ويفخر بها الشعر والحانه وجمهوره=ويطيب فيها القصيد النادر الغالي
نشمية من بنات البدو مذكوره= وشموخها ماطمع به كل محتالي
ماهي خفيفه ولاخبله ومطيوره=مزاجها صلف لاحول ولامالي
ماهي حليلة حقير واطي سوره=تبغى شجاع يشرفها بالافعالي
دره ثمينه عن الانذال مدحوره =ماشاقها الاعريب الجد والخالي [/poem]