دام ساحـة الأدب والشعـر أغلبهـا عصابـة

[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]






الغضب والصبر والحرمـان وأنـواع الكآبـة=والقهـر والهـم والغربـال وعمـر البهذلـه
والقصائد والسهر والليـل وحـروف الكتابـة=والعناء والضيق وجرح في ضلوعـي منزلـه
والهبايب والشتاء والبـرد ودمـوع السحابـة=والحرايـق واللهب وهـمّ يطفـي وأشعـلـه
والسواقي والنخل والبير فـي نجـد وهضابـة=والكـرم والجـود والجزيـل أمـدّه وأقبـلـه
والعتـب بعيـون أبويـه والنباهـة واللبابـة=والتحـدي والتواضـع فـي طريـق المرجلـه
كل هذي علمتني عمـر راح وكـم بقـى بـه=دام أشوف الجمر يشهق في كفـوف المنقلـه
وخلقتنـي شاعـر بركـان فكـر وينهقـابـة=لو كتبـت البيـت قامـت هالسطـور ترتّلـه
عزف ناي. وصمت نود. وجرّ ونـات الربابـة=وضحك موج.ونوح قبر.وهمس جنّ.وبسملـه
وإختناق الضعف. وصرخة حق بأصوات الذيابة=وإعتـراف بذنـب. يفجـر هالمـآذن هلهلـه
بيت واحد وإرتوت كل السطور مـن الغرابـة=كيف لو أكتب قصيدة. وش تصير المسألـه؟!
لو نعيد من البداية .. الشعر وأبـدأ بـ(آبـه)=ومثل ماهي هالقوافي. نصف(آبه)ونصف(لـه)
وأتريّـث بالمعـانـي وأتخـيّـر بالـذرابـة=وأتناسـى هالجنـون اللـي بديـت بـأولـه
ياالله بأبدأ من جديد بهالشموخ وفـي صلابـة=وبأتنـقّـى بالمعـانـي .. جـزلـهـا وأدلله
أوهاه ،. والله فكرة. دام أنـا فـي هالخرابـة=ليه ما أبني بيت وأسكن.وأترك الشعـر لأهلـه
دام ساحـة الأدب والشعـر أغلبهـا عصابـة=صار باقي بـالأدب .. قلـة أدب مـا أتحمّلـه
كذب واضح مع نفاق ومصلحة بيـن .........=مهزلة ،في مهزلة ،في مهزلـة ،فـي مهزلـة
قلة اللي باقية.. يملـك ضميـر ولـه مهابـة=والبقية كل واحد .. طـوق وإسـم وسلسلـة
إختلـط دم العريـب بـدم مشكـوك العرابـة=وإنحنى رأس الأصيـل وإمتلـى مـن أسفلـه
الوجيـه الخاينـة بالأقنعـة صـارت تشابـة=صاحب الوجهين ضايـع فـي هـدوء وبلبلـه
الله اللي خالـق الـداء فـي نصـف الذبابـة=وإن بغيت تواري داها.النصـف الآخـر كمّلـه
من لبس ثوب المذلة .. لايضيـق وذي ثيابـة=مايفيـده بعـد هـذا قبـو دمـعـه يغسـلـه
من زعل خلوه يزعـل.ذاك بحـر.وذي ترابـة=صوت شاعر يوصله ثم يوصله ثـم يوصلـه
علموه إني وصلـت. أبطعنـه وأبغـى عذابـة=من يخون الشعر حالـف.. والله إنـي لأقتلـه
والله إني لأطعنه. مليون مـرة فـي صوابـة=أو يجاوب بالحقيقـة. لـو طرحـت الأسئلـه
أبسأله . بالله وأسمع كيـف يقـدر بالإجابـة=ليه صارت ساحـة الشعـر بوجوده.مزبلـه؟! [/poem]