حتـى العجايـز تـبـي نــاس(ن) تهمـزهـا

[poem=font=",6,black,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]

ارجــوك بـعـض المشـاعـر لاتهزهـزهـا=تــرى المشـاعـر تـألــم عـنــد راعـيـهـا
وتـرى النفـوس العـزاز الهـا حواجـزهـا=وحواجز النفس ستـر (ن ) مـن خوافيهـا
لا تقول لك كلمـة (ن) تحسبـك تحرزهـا=وتطـيـح لاقـمـت منـهـا مـنــت قـاويـهـا
وان قلت لـك كلمـة (ن) حـاول تركزهـا=ولا ترى الصمت خير (ن) من حكاويهـا
ودعــواك لاصــار مــا تـقـدر تنـجـزهـا=ازبـن علـى واحـد (ن) سـاعـه وينهيـهـا
ولا تـجـود عـلـى صـبــر (ن)يعـجـزهـا=وتجيـك فــي وســط بيـتـك مــا تناديـهـا
وكم واحـد(ن) حاجتهـا بالصـدر يكنزهـا=مــن قــل مــن يستمعـلـه يـــوم يبـديـهـا
يخـشـى مــن الـلــي يهـمـزهـا يلـمـزهـا=يضحـك بعـض نـاس لاكـن نـاس يبكيهـا
وشكواك لابـن الـردي حـذر(ن) تعنزهـا=يفضحـك وتــروح فيـهـا وانــت كاميـهـا
وعـلـيـك تـكـبــر ولا تــقــدر تـمـيـزهـا=وتضيـع فـي طوشـة(ن) تبـلـش بتاليـهـا
والـسـالـفـه يــقــدر الــواحــد يـلـفـزهـا=ويقـدر علـى نـاس مــن شكـلـه يمشيـهـا
ولاتشغلـك حـرمـة(ن) مـنـت متجـوزهـا=تـطـرد وراهــا وغـيـرك يهتـنـي فـيـهـا
ولا يفرحـك شـوف الارنـب لـو تنقـزهـا=مـــادام مـــا شفـتـهـا بـالـنـار شـاويـهــا
ولاتحسب (ن) الذهب باي يـد(ن) يزهـا=تـرى الـذهـب مــا يغـيـر لــون اياديـهـا
والنفـس حــاول بـحـد اقـصـى تعـززهـا=نـفـس(ن) بــلا عـزهـا مـانـي مـداريـهـا
والـنــاس لاتـقــوم بعـيـونـك تـخـززهـا=احمـد عـلـى العافـيـه واسـلـك مماشيـهـا
ومـن طـاوع النـفـس تشقـيـه بغرايـزهـا=ومـن طـاوع العقـل يسلـم مــن بلاويـهـا
والمـرجـلـه مـاتـحـب الـلــي يـهـاوزهـا=تـبـي لـهـا واحــد(ن) دايـــم يحاضـيـهـا
والـلـي عيـونـه مــع الظـلـمـا يغـمـزهـا=ماحـد(ن) درى عـن عيونـه لــو يعنيـهـا
ونفيسـتـك وانـــت فـانــي لاتغـزغـزهـا=المـقـبـره بأنـتـظـارك وانـــت نـاسـيـهـا
والـنــاس دورات قــادرهــا بـعـاجـزهـا=مـاخـلـق جـنــه ونـــار وزعـــوا فـيـهـا
وناس(ن) مع الله وناس ابليـس ناغزهـا=سبحـان مـن ظـل نــاس ونــاس هاديـهـا
ونــاس(ن) تعـلـت وعلـتـهـا مـراكـزهـا=وناس(ن) تبي الطيب مير الطيب فاحيها
ونـاس(ن) تحفـز ومعـروف(ن) تحفزهـا=ونـاس(ن) تبـي مــن يشيمـهـا ويعطيـهـا
ونـاس(ن) تلعـوز وتسلـم مـن تلعـوزهـا=ونـاس(ن) مـع اللعـوزه تبـطـي لياليـهـا
وناس(ن) تبي نبـز نـاس ونـاس تنبزهـا=نـابـز ومنـبـوز لـيــن الـمــوت يفنـيـهـا
وناس(ن)عجـز رزقهـا يكمـل عوايـزهـا=لاهـــي فــقــارا وهــــي مالله مغـنـيـهـا
حتـى العجايـز تـبـي نــاس(ن) تهمـزهـا=الـعـافـيـه والـظـنــا مــاهـــو مـكـفـيـهـا
وان قـمـت اعـانـد تفاكـيـري وابـارزهـا=صـارت حجـاوي وانــا مـانـي محجيـهـا [/poem]


منقول