حارة المهابيل السبعه(زحف على كيف كيفك)

حـارة المهابيل السبعة ((زحف على كيف كيفك )

--------------------------------------------------------------------------------



حارة السبع مهابيل

تعتبر حارة السبع ورعان من اقدم الحارات بالشرق الاوسط <<<من اولها نصب هههههههه

وسميت الحاره بهذا الاسم لوجود سبع ورعان فيها<<قل قسم

ولقد جلبوا السبع ورعان الشهره لهذي الحاره لكثرة مشاكلهم ودلاختهم وكرمهم وفزعتهم <<مؤلف محشش خخخخخخخخخخخخخخ



السبع مهابيل هم



مــهدي




السبب انه متكعبل ببعضه وماله رقبه وافدغ مشكلته بالحاره انه مسوي فيها انه مغزلجي وكل البنات خاقات عنده بس يبي له حظ < مانت صاحي ياجواد العلي كركركركركركركرك


من انجازاته بالحاره :



1/مسك حرامي كان يبي يسرق اسطوانه غاز من بيت سعد

2/حشر ورع كان ضارب حمدان قبل سنه وفقش ولعن ابو خامسه بس بعدها بيوم الورع ذا حشر مهدي بالحاره اللي جنبهم وجاب اخوه الكبير وفقع وجه مهدي خلاه يرجع الحاره يزحف على جنبه ههههههه




2/ سعد الملقب((باالدب الداشر ))هههههههه





السبب لانه كان اكبر دااشر بالحاره 24 ساعه جالس بالزاويه ومراقب الحاره كلها هو وشعره اللي كنه ستاره هههههههههههه
من انجازاته بالحاره


1/كان يحشر الورعان اللي يتلقفون على محمود ويفقع وجيهم لانهم كان يحشرون محمود بالزاويه ويسون له حركات مادري وش تبي ههههههههههههههههه




3/ نــايف يلقبونه بالحاره بــ((بولنتي))





سبب اللقب يعود الى حصة الرياضه في صف سادس ابتدائي كان يلعب نايف وكسر واحد وماحسبوا شي وقاام يصيح نايف ويقول للمدرس والله العظيم انها ((بولنتي)) <<بلنتي ومسكوها عليه


اهم انجازاته بالحاره


1/ كان يسحب عيال الحاره اللي جنبهم يتصل عليهم جوال ويقلد اصوات بنات ويخليهم يشحنون له بطاقات سوا ... <<<انجازه بايخ مادري وش يبي هههههههههههه


4/محمودالملقلب بــ ((المصري))




سبب اللقب لانهم ايام الاختبارات مايشوفونه بالحاره وكمان بعد كان دايم يلبس السروال فوق البلوزه ويرفع السروال فووووووووق وحاط شعره على جنب ههههههههههههههههه


اهم انجازات حموده



1/كان يسوي لشباب الحاره ملخصات ودروس خصوصيه ويتوسط لهم عند ابوه <<ابوه مدرس رياضيات


5/حمدان ((وجه النكبه ))




سبب اللقب يعود الى مواقف كثيره والسبب انهم كل مايدخل حمدان بموضوع لازم يخربه واخرها راعي البقاله حشره هو وسعد سارقين بيبسي وسنكرس ((للمعلوميه سعد خدمه 10 سنوات سرقه وماعمره احد صاده واول مره يخاويه حمدان وصادوهم خخخخخخخخخخ))


اهم انجازته بالحاره


1/كان لما تسطح الكوره بالورشه حمدان ينقز يجيبها لان عليه سيقان تقول عصا مكنسه ماشاء الله لااله الا الله اذكرووا الله لاتجيبون خبرها هههههههههههههههه

2/كان مشغله عنده عوض سقرت يراقب الددسن حقته بالليل<<مادري هذي وظيفه ولا انجاز خخخخخخخخخخخخخخ<< توه صاحي من النوم


6/عوض ((عربجي الحاره ))






السبب انه معه ددسن 84 ومنزله ومغبره ومايسمع غير ابو فيصل كسرات اذا شاف له .........بالحاره او عزازي واذا اخربها وكان خااش جوو يسمع مزعل فرحان ههههههههههههههههههههه


من انجازاته بالحاره


للاسف ماقدم أي شي للحاره ولكن خرب الحاره بسمعته الله يهديه هههههههههههههه


7/حمود الملقب بــ((دبوس الحاره))





السبب انه مره شااف مهدي يسرق من البقاله تايد ((فاهي شكله غلطان يبي بسكوت واخذ اقرب شي منه ))ههههههههههههههه المهم شافه حمود وراح علم عليه صاحب البقاله , ثاني يوم جاء مهدي يرجع لهم التايد يبي ياخذ بداله بيبسي وفقع وجهه صاحب البقاله هههههههه <<<ملطشه اللي يجي يفقع وجهه ههههههههههههه


من انجازات حمود


1/ فقش راس مهدي <<< لاحظوا هذا انجاز خخخخخخخخخخ

2/ كسر قزاز سيارة مدرس رسب عوض قبل سنتين


<<انجازاته عمليات اجراميه ههههههههههههههه


من ذكريات الحاره ,,,

المشهد رقم ((1))



كل يوم اربعاء يتجمعون شباب الحاره وسوالف وضحك ينتظرون العصريه عشان يلعبون كوره

وشوي وهما سوالف وتريقه على سروال روني اللي رافعه

قال لهم مهدي شباب امشوا معي اوريكم الحمام اللي فوق سطوحنا قال حمدان خلاص روحوا انا اقابلكم العصر بالملعب ابوي يناديني <<<ايه هين ابوك يناديك

طلعوا الشباب وشافوا الحمام وجلس ينصب عليهم مهدي

يوريهم حمامه جربه ما عليها ريش

يقول ذي لو ابيعها تجيب لي اقل شي خمس الاف ريال لانها اول حمامه بالعالم بدون ريش هههههههههههههه


عاد حمود اكره شي عنده واحد يكذب عليه عيني عينك يحس نفسه انه خروف كبيررر قام نقز وعطاهم اقرب صاروخ عنده قال لهم:: مره ابوي شاف صقر يلفلف فوق شباكنا <<شكله مغزلجي الصقر خخخخخخخخخخخ

المهم ابوي قال اول لفه بامشيها له ثاني لفه بامشيه لها الثالثه قفلة اخلاق ابوي ويناديني قال رح جيب عظمه وحطها على الشباك ودي العن والدين الصقر<<< صقر وحاطين له عظام ههههههههههه<<شكله مضيع بين الصقر والكلب هههههههههههه


وحطينا له عظمه ويجيك الصقر طاااااير وابوي ماسك مخده اول مامسك الصقر العظمه وابوي يصفقه بالمخده على راسه ونحشره بالغرفه ....<<مامداه يكمل

شوي ماتشوف غير الكف جاي من مهدي اقول انت ورع اذا ماتعرف تكذب لاتكذب انت وخشمك اللي كنه اصبعي الكبير كركركركركركرك

وحمود يعصب وينزل من السطوح <<<تستاهل انت وصاروخك اللي مادري وش يبي هههههههههههههههه


وشوي ينصب عليهم محمود المصري يقول لهم ابوي مره جاب لي حمامه كنا نطيرها بالصاله وتشقلب بالهواء وتوقف بالهواء بعد <<<هاليكوبتر ماهوو حمامه

قفلت أخلاق سعد من كبر النصب قال له اقول يالمصري انت رح ظبط سروالك بعدين تكلم انت وجهك اللي كنه ملقاط شيشه هههههههههههههههههه


نزلوا الشباب من فوق السطوح وهما ماشين على الدرج انواع التريقه على محمود وشعره وسرواله هههههههههههههه

وفجاه تقفل اخلاق محمود ويقوم يصفق مهدي ركبه ويطالع فيه سعد ويضحك يقول اخس يابو سروال صاير رجال وفجاه ينقز سعد مع محمود ويسدحون مهدي على الدرج الين قال توووبه يامحمود تووبه <<يلعن ام النذاله ياسعد هههههههههههههه((ماضنتي هالفزعه ببلاش هههههههههههههههه))


المشهد رقم ((2))


بعد المغرب بنفس اليوم طلع حمود وكانت اخلاقه قااااااااافله وهو ماشي رايح يجيب حليب لوني من البقاله قابل محمود بطريقه

محمود : اقول حمودتخاويني الليله نبي نروح السوق نغازل..

حمود: اقول يالمصري انت لك عين تغازل انت وسروالك اللي كنه هاللوب هههههعهههههههههههههههههههههههههههه

وكمل طريقه حمود وهو مايضحك ولا شي

شوي قابل سعد الدبه بطريقه

حمود: اقول سعد تخاويني البقاله ودي اجيب حليب لوني ومامعي فلوس يارجال <<ليه طالع من بيتكم طيب خخخخخخخخخخخخخخخخ

سعد : قدام حتى انا نفسي اليوم اسوي شكشوكه بس ماعندي بيض هههههههه<<<حتى البيض يسرقونه ههههههههههههههه

دخلوا البقاله وكانت اخلاق حمود قاااااااااافله مره

مسك حمود الحليب وحطه بيجيبته <<يقاله ماحد شافه

وهوطالع حشره السوداني

السوداني : ايش هاادا ياازول شايفني خرووف قدامك تاخذ اغرازك وتطلع

حمود : على شحم اقول تحسبني خايفن منك ايه انا سرقته براسك شي انت ووجهك اللي كنه جنط ددسن هههههههههههههههههههههههه <<<يلعن شكله ماقوى عينه سارق وينافخ بعد

المهم السوداني هجد وخاااااااف

السوداني: والله انا باتركك هالمره بس موو لاني خايف لا والله بس لاني اعرف ابوك واخاف ازربك ويجي يزعق لي <<<ايه هين ههههههههههههههههههههههه

حمود : اقول يافحمه لايكثر لاجي اشخمط على وجهك <<<صدق نفسه الرجال ههههههههههههه

شوي يوم دخل السوداني البقاله الا ويشوف سعد جالس يختاار له بيض <<<يلعن ام الثقه

وتقفل اخلاق السوداني ويجي من جنبه سعد

سعد : ترى حمود هو اللي موصيني على البيض ههههههههههههههههههه

السوداني : ااااااااخ يالقهر لو اني ماعرف ابو حمود ولا كان علقتكم من اذانيكم على لوحة البقاله <<اقول لايكثر بس يازول<<المؤلف خشش عرض بالحاره خخخخخخخخخخخخخ

سعد : يارجال على شحم بس <<< قسم بالله حراميه تقهر


المشهد رقم ((3))


الساعه 11 بالليل طلع حمود بيجلس بالزاويه مثل كل يوم ويقابل الشباب كلهم ومشغلين مسجل حق الددسن وحاطين ابوفيصل باعلى صووت


عوض : شباب وش رايكم دام اننا متجمعين وش رايكم نزحف على بنات الحاره اللي جنبنا؟

سعد الدبه : اوووووووف والله من جد يارجال يافيها بنات قسم بالله ششششق

محمود: طيب خذوني معكم بالله عليكم ودي اشوف كيف تغازلوا <<ياخي رايحين قنص انت وجهك ؟؟

عوض : اقول ياورع انت من جدك تبي ناخذك وسروالك كذا يارجال ؟؟

انا امشي بدون سروال ولا ارفعه مثلك خخخخخخخخخخخخخخ مسوي اغرات بالحاره انت وجهك هههههههههههههههههههههههه


حمود : مشينا شباب بس خذوا معكم دفتر وقلم عشان الترقيم <<<رايح تاخذ درس خصوصي انت وجهك دفتر هههههههههههههههههههه


مهدي : طيب وش هي خطتكم بالترقيم ؟؟<<تعداد سكاني صدق انك دلخ خخخخخخخخخخ


حمود : خطتنا 3/4/3 هاهاهاهاهاهاا تقلع بس من متى لنا خطط بالترقيم أي بنت نشوفها نرقمها ان شاء الله شغاله اهم شي انها مصنفه من البنات كركركركركركركركر <<فاهم غلط الاخ هههههههههههههههههه



حمدان : يالله شباب مشينا يلعن ام الرياضيات على الكيمياء على الفيزياء العمر كله راح وانا اجمع بالملخصات , الحاره كلها مشبكه بنات وانا مشبك محمود عشان الملخصات ههههههههه<<ياشين الدوافير اذا بيسون فيها دشيررر هههههههههههههههههههه

وهما ماشين ويقاابلون بنت ماشيه ويجي مسرع عوض ويصك جلنط عندها((يفحط)) ويصفقه حمود كف حلاقه ياورع انت وش فيك مطفوق ذي بنت سلاامااات وش تبي تفحط عندها؟؟



مهدي : صدق انك نكبه ياعوض لو دعست البنت شلون نرقمها وهي ميته <<<تقلع بس يالفاهي هههههههههههههههههه

وينزل حمود <<<مسوي عليهم انه خبره غزل

وينزل معه مهدي ويمشون من جنب البنت وماسكين بعض مسوين فيها اصدقاء هههههه



مهدي : الحلو وين رايح ؟؟<<وانت وش دخلك ههههههههههههههه

حمود : ياهوو مسوي علينا ثقيل ياااقميل<<<يستخف دمه



مهدي : سمعت اخر نكته ياحمود؟؟

حمود : لا باقي ماسمعته قوله قولها


مهدي : يقول لك اثنين اقزاام دخلوا يبون يسرقون بنك واحد دخل يسرق والثاني يراقب وطول الوقت اللي برى يسمع اللي يسرق يقول ماقدر ماقدر ماقدر

لما طلع الصبح ساله اللي برى قال ليه طول الليل تقول ماقدر ماقدر

رد عليه قال ياخي حاولت اطلع على الكرسي بس ماقدرت هههههههههههههه

حمود : طيب وبعدين ؟؟


مهدي : اقول وش رايك نرقم ازين بلا نكت مال امها داعي << لقط وجهك بس انتي ونكتك اللي مثل وجهك خخخخخخخخخخخخ

وشوي يجي حمود من جنب البنت ويعطيها كتف<<< مافي اسلوب

وتطالع فيه البنت وبالشنطه على راس حمود ويطيح العقال والشماغ وكملت طريقها البنت وحمود يقول

الله لنا ياحلوو ضربتنا وماقلنا شي طيب خذ الرقم لو جبر خاطر<< يبي يقول كلام حلوو بس ماهو عارف ههههههههههههه

وهو طايح تمر بنت صاااروخ ويروح لها مهدي

وبدون مايفتح فمه رمي الرقم وحط رجوله,,,,

البنت تطالع فيه سلااماات ؟؟ وش فيه ذا مايعرف يغازل ؟؟<< بنت داشره هههههههههههههه

وتاخذ الورقه وتفتحها وتجلس تفقع ضحك ساااعه بعدين كملت طريقهه


رجعوا الشباب الحاره الساعه 1 وهما تريقه على حمود بسبب الكف اللي جاه


المشهد رقم ((4))


يوم السبت الساعه 7 ونص صباحا

عند باب المدرسه تقابلوا الشباب بالزاويه حقت المدرسه وكلهم طراره يطلبون من نايف دخان

المهم وكالعاده كل يوم على واحد يهرب الدخان بالمدرسه قال مهدي انا اللي باهرب الدخان اليوم,

ويدخلون الشباب المدرسه وتجي اول حصه كانت رياضيات وكان جالس مهدي ورى نايف

وكل خمس دقايق يقول له هاااه اطلع الدخان الحين ونايف من الخوف مايرد يضحك

وحمود وسعد خاااشين جووو سوالف يحشوون بسروال محمود هههههههههههههههههههههههههههههههههه لدرجة انهم تحمسوا ورسموه على الطاااوله


حمدان كان يحتك بمحمود عشان يغششه بالاختبارات الشهريه <<شغل مصااريه يالوسخ <<مادري وش حارق رز المؤلف خخخخخخخخخخخخخ


عوض جالس بالزاويه يروووس على المااصه يغني اغاني مزعل فرحان <<هوااا خخخخخخخخخخخخخخخخ<<دااشر


بين الحصه الاولى والثاني دخل المدير


يالله شباب تفتيش ودق الجوال حق المدير وطلع برى


ويرتبك مهدي الدخان ياشباب الحين يصيدوني الحين يفصلوني والله ابوي غير يذبحني ابوي غير يولع برجلي نار<<شارون يارجال ذا موو ابو ههههههههههههههههههههههههههه

قال نايف قوم وارمي الدخان من الشباك بسرعه <<خبره ههههههههههه

دخل يده مهدي يبي يطلع الدخان لكن مامداه يرميه اقرب شي كان شنطه نايف رماها فيها ههههههههههههه<<<يلعن ام حركات الورعان هههههههههه



دخل المدير وجلس يفتش بشنط الشباب


قفلت اخلاق المدير منهم خاصه من الدلخ مهدي اللي جايب مفك ولا الدلخ اللي جايب شاحن جواله وهو مامعه جوال اصلا هههههههههههههههههه

طبعاا نايف كتب تعهد بسبب اسيجاره والولاعه اللي مادري وش تبي جايبها طالع كشته انت وجهك تبي تسوي شااهي ماتبي تولع دخان ههههههههههههههههه

المشهد رقم((4/ب))



وهما طالعين الشباب من المدرسه قال لهم عوض اركبوا شباب خلونا نسحب كم جلنط <<اخس يابوبو ههههههههههههه

ويركبون واول جلنط حلووو ثاني جنط حلوو الثالث وهو ماشي الطبلون عوض , سعد يشوف ابوه مار من جنب المدرسه ومن الخوف يبي ينزل راسه والسياره زحمه وينزل راسه ويصك بالدركسون وتحوس فيهم السياره وتفلت السياره من يد عوض وما يقفون غير ببرميل الزباله ((وانتم بكرامه )) هههههههههههههههههههههههههههههههههه

وتجي الدوريه وتقشهم كلهم على التوقيف


المشهد (( رقم 989)) << مولف نصاااب بقووه


العصريه وهما جالسين الشباب يلعبون كوره دق جوال مهدي دقه وقفل دق عليه مهدي

مهدي: الوو مادري احد دق دقه وقفل علينا ؟؟ <<<يمديكم على الاخلاق

البنت : هلا والله ايه انا اتصلت معليش لايكون ازعجناك بس

مهدي : لا عادي بس جالس العب كوره <<نصااب كان يدخن هو وعوض كركركركر

البنت : اخسس يايوسف الثنيان تكفى ارحمنا ماتحمل انا <<بنت داشره هههههههههه

مهدي : اشوف الاخت قاطه الميانه انتي وصوتك اللي كنه صوت السيفون ههههههههههههههه <<ماهو وجه بنات

البنت : هاهاهاهاهاا تنكت انت وجهك اللي كنه جوال المسكت <<قديييييييييم

مهدي : الله يالدنيا بعد ماكنت احشر ورعان الحاره وافقع وجيهم تجين انتي تتريقين علي

البنت : اقول اقول لايكثر بس ابوي جااء انا الحين رايحه سوق الاخلاص قابلني هناك تحصلني لابسه عبايه <<اكيد لابسه عبايه اجل تبي تلبسين مايوه هههههههههههههههههههه

مهدي : خلاص اوكي خخخخخخخخخخخخ<<ادلخ منها



المشهد رقم ((999))


والساعه 8 باللليل يروح مهدي ويجمع الشباب قال مشينا في بنت تبي تقابلني

ويرحون السوق وهما ماشين سال سعد مهدي قال شلون تبي تعرف البنت ؟

قال لابسه عبايه ههههههههههههههه

وتقفل اخلاق سعد ياخي عارفين لابسه عبايه اجل اللي قدامك لابسين شورتات انت وجهك اللي كنه حبه سمبوسه هههههههههههههههههه



حمدان : سعد ياخي موو مهم احنا نعرف البنت اهم شي هي تعرف مهدي <<يازينك ساكت


شوي ويجي جمس الهيئه ويتلخبط مهدي ويشكون فيه الهيئه

ويرجعون لهم

المطوع: وش عندك هنا تلفلف ؟


مهدي : مادري سعد قال يالله مشينا ومشيت معه شف اساله وش عندنا هنا خخخخخخخخخخ <<يلعن ام الجحده ههههههههههه


حمود: يامطوع ترى سعد مواعد بنت الحين ويبي يقابلها وبالعلامه البنت لابسه عباايه <<<دبوس درجه اولى ههههههههههههههه

والمطوع بدون تفاهم سحب سعد الدبه من راسه وركبه بالجمس وتفحيط فيه خخخخخخخخخخخخخخخخخخخخخخ

ومهدي وحمود وحمدان ماتشووف غير غبرتهم للحاره هههههههههههههههههههههه


المشهد رقم ((8769))



محمود كان يبي يتعلم التدخين <<خرب الولد

وهو جالس يولع السيجااره ناادى عليه ابوه

ابو محمود: ياولد رح انقلع افتح الباب الله لايهينك يالغالي<< الخلل بالمولف ماهو بابو محمود خخخخخخخخخخخ

محمود من الخوف ارتبك ورمى السجاره تحت السرير وراح يفتح الباب <<<يلعن ام الدلاخه ههههههههه

شوي الا النااار طالعه من بيت محمود واول مره يطلع محمود من بيتهم يركض شعره طاير وسرواله نازل <<<مافي وقت يظبط السروال ههههههههههههههههه


ويشوفونه الشباب ويفزعون معه ويدخلون البيت ويسون زحمممممه بقوه بالبيت وسعد وحمود ومهدي بدال مايساعدونهم طاحوا سرقه من غرفه محمود اللي سرق يد بلاستيشن واللي سرق منشفه <<هذا مهدي فااهي يسرق اشياء مايبيها ههههههههههههههه

واحد سرق غساله خخخخخخخخخخخخخخخخخخخخخخ

وحمدان كان خاااش جووو بغرفه حموده يدور ملخصاات جالس خخخخخخخخخخ<<<مسوي دافور هو وجهه اللي كنه براد شاهي خخخخخخخخخخخخخخخخخ

وبعد ماخلص الحريق جاء ابو محمود وحشرهم بالزاويه وخلاهم يرجعون اللي سرقوه كله خخخخخخخخخخخخخ


المشهد رقم ((8769))


مهدي وحمود مخططين على وحده يبون يشبكونها <<مسوين فيها حقين غززل

فكرو الشباب قالوا مالها غير نروح لها للبيت ونرمي الرقم يلعن امها حاله ملينا خلاااااص الحب عذبنا <<أقول على شحم بس ههههههههههههههههه

قال مهدي زين انا معي رقم ماهو باسمي ساله حمود قال باسم مين قال باسم ابوي خخخخخخخخخخخ<<دلاخه

المهم قرروا يرقمون ببطاقة سوا بدون اسم حتى لو يبي يحجر لهم اخوها ولا شي مايمديه يسوي شي

راحوا الشباب كااااااشخين ومعهم ورقه دقوا الباب

مهدي : لو سمحتي ممكن تاخذين الرقم ؟؟<<<مغزلجي اخلاااااااااااااااق

البنت سااااكته ولا تتكلم ولا شي


حمود : افتحي الباب خذي الورقه عطيها ابوك <<<يمديكم على الذكاء هههههههههههههههه

فتحت البنت واخذت الورقه وودتها لاابوها خخخخخخخخخخخخخخخخخخخخخخخخخخ يلعن ام النكبه

فتح الورقه


لقاء صورة مهدي وحمود وكاتبين تحتها

((مجانينك حتى الموت )) << نادي صار موو بنت قاطين فيها الاثنين هههههههههه

راح ابو البنت وحشرهم بالحاره وفقع وجيهم وسحبه الاثنين على الهئيه هههههههههههههه <<اكيد داعي عليهم سعد

المشهد رقم ((6578))


متجمعين شباب الحاره كلهم ويجي لهم عوض يبي يسترجع ايام الطفوله ويطلع سيكل من بيتهم ويتجمعون عليه الشباااب كلهم عطني دوره عطني دوره


نايف : تكفى ياعوض ترى تكفى تهز الرجاااجيل <<على سيكل يالتعبان خخخخخخخخخخخخخ


حمدان : عوض لاتركب نايف تذكر امس يوم جرد فيك ماعطاك دخان <<حركات ورعاان


سعد : عوض انا صديقك اللي دايم اركب معك وافحط ومااخاف حتى يوم صكيت بالعامود ماعلمت احد


محمود : عوض لاتركب سعد ترى ذا امس يقول لنا انك اكبر مغزلجي بالرياض والمشكله ماحد معطيك وجه لان وجهك مثل قفاااك خخخخخخخخخخخ هذا كلام سعد ماهو كلامي هههههههههههههه

شوي وينقز مهدي اقول صمت هات السيكل ويعطيه غمزه <<<انا قايل هالولد ماهو سهل هههههههههههههههههه


ويعطيه عوض السيكل وهو خاايف ومقهوور <<كاسر عينه مهدي خخخخخخخخخخخخخ

ركب مهدي السيكل وركب وراه حمود هههههههههههههه<<<لازم يطلع بالصوره ههههههه


ويدعس مهدي يقال له ورع دااشر وفجاه ويطلع بوجهه قطاار<<واحد يبي يسوي اثاره بس مايعرف خخخخخخخخخخخخخخخخخ


لالا طلع بوجهه باااص ويصكهم ومايوفقون غير بمطبخ بيت محمود خخخخخخخخخخخخخخخ <<افلام كرتون صارت خخخخخخخخخخ


اغمى على مهدي وحمود بالمطبخ مع بعض <<<يلعن ام الحب اللي كذا <<مادري وش دخل الحب ههههههههههههههههههههههههههه عشناا سوا واغمى علينا سوا هههههههههههههههه


المشهد رقم ((4565))


بعد الحادث اللي صار للشباب بالسيكل قال عوض انا باطلعكم البر على احسابي لاني حاس اني انا السبب باللي صاار

قالوا الشباب قدام

وركب نايف ومحمود قدام عند عوض

ومهدي وحمود وحمدان وسعد بالصندوق حق الدسسن ورى ,,

عاد تعرفون الشباب مسوين فيها كبااار واقفين ويرقصون مسوين فيها طالعين الشام<<<ياحبي لك يالشام خخخخخخخخخخخخخخ

وعوض مشغل عزازي ورااافع الصوت ومسكر الدريشه وطايح نصب على نايف ومحمود ..

اخر نصبه قالها لهم

قال مره كان ماشي الشرقيه وكان ماسك الخط وماشي 180 وهو ماشي بنشر على الكفر اللي بجهة اليمين يقول تورطت لو دعست فرامل رحت فيها لو تركتها رحت فيها

قال وانا اتذكر شريط تفحيط قديم كان عندنا تذكرت واحد خلى الددسن تشمي على كفرتين

يقول وانا اتذكر يوم ابوي يقول لي انت ياعوض راح تطلع احسن واحد بالعيله بالاسواقه وتذكرت بعد يوم تقول لي امي روح ياعوض الله معك انا ماخاف عليك دام انك انت تسوق

وتذكرت يوم عيال الحاره يصفقون لي يوم اسحب جلنط ويوم يقول لي مهدي وانا اسحب جلنط((يامعذبهم )<<<<لاحظوا كل هالامور تذكرها والكفر مبشنر وماشي 180 هههههههههههههههههههه

قال وقفت عن التفكير وبحركه فنيه خليت السياره على كفرتين وهدي واهدي الين خليتها توقف وهي على كفرتين<<يلعن ام النصب ههههههههههههههه

والشباب اللي ورى طايحين رقص سامري


شوي قامت دلاخة عوض يبي يسوي فيها سواااق وبدون مايقول لهم انه يبي يسحب جلنط جاء مسرع وسحب جلنط وكمل طريقه

واللي ورى مع الجلنط طاح مهدي وحمود <<<دايم مع بعض

وكمل طريقه عوض مادري عنهم كان مشغل ابو فيصل كسرات ههههههههههههههه

شوي يطق عليهم حمدان الدريشه الحقوووووو اخويانا ماتوااا ماتواا<<<يلعن شكلك ماحد مات <<متفااعل مع السالفه ههههههههههههه

عوض يطالع فيه وش اللي ماتوا؟؟

قال اخويانا

ويسحب جلنط ثاني يقال له مستعجل يبي يرجع لهم ويطيح بالجلنط هذا سعد وحمدان ههههههههههههههههههههههههه



ورجع مره ثانيه يلقطهم ويركبهم <<<ارانب صاروا خخخخخخخخخخخخخخ

وبدال مايرحون يخيمون رجعوا المستشفى خخخخخخخخخخخخخخخخخ<<<قال حااس بالذنب <<الا انت الذنب كله انت وجهك اللي كنه مظراب تنس هههههههههههههه



مايستفااد من الموضوع ومن احدااث الحاره



1/ اصدقاء السوء مثل السوسه ياكلون بعقل الواحد حتى يدمرونه مثل ماراينا عندما كانوا ياكلون بسروال محمود اقصد بعقل محمود حتى جعلوه دااشر مثلهم

2/ لاتحاول رفع السروال اكثر من الازم فهذي عاده غبيه ههههههههههههههههههههههههههههه

3/ اذا كان عندك سيكل فحاول ان تلعب به بعيد عن اعين الاخرين مثل ماراينا اعين سعد وحمدان كانت كفيله بقتل طموح مهدي وحمود

4/اذا عندك بالحاره دشيررر وقالوا لك تعال نوريك الحمام اللي فوق سطوحنا اسحب عليهم ,,,

5/اذا جيت ترقم ياترقم مثل العالم ولا انثبر ببيتكم

6/لاتكثر من الاستماع لاابو فيصل فهو فنان غبي عربجي ويشوه سمعت الواحد فحاول ان تكثر من المذاكره ابرك لك يالداشر خخخخخخخخخخخخخخخ<<<خربت الاخلاق هههههههههههههه

7/ حاول ان تبتعد كل البعد عن الطلعه مع العرابجه امثال عوض وطقته فهم اغبياء الى حد كبير


وتحياتي لكم
(( منقول)) بس أعجبني وحبيت أنكم تضحكو
وتفرفشوا شوي