ردية بين العرابي وعوده بن رافع وسببها !!

أوردت هذه القصة بقصائدها لعيون اخوي الذيب الشمالي

وطلباته اوامر علي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تبدأ القصة يوم سافر العم / عوده بن سالم بن رافع الشوامين ومعه ابن عمه العم / عواد بن عيد الشوامين لوادي العين غرب قرية ( شغب ) وفي طريقهم مروا على الأخ / محمد العرابي الطقطقي وقضوا ذيك الليلة عنده وكان العم / عوده بن رافع الشوامين تارك أمانه عند الأخ / محمد العرابي ( زهاب ) _ رصاص أسلحة _ فكان الأخ / محمد العرابي يتوقع ان العم / عوده بن رافع يبغى الأمانه فقال والله يا ابو سالم الأمانه استفدنا منها وخذ مكانها من الحلال فقال له ابو سالم لا والله يا محمد ما جيت للأمانه وانا ما أبيها بس حنا جينا دوارين لناقة إشتريناها من ( عواد الصعريري ) وقال إنها في وادي العين ، فقال الأخ / محمد العرابي أرسل معكم أجل ولدي / سليمان يدور معكم فقال له ابو سالم ما يحتاج ابن عمي / عواد _ خوي العم ابن رافع في السفرة _ وهو خبير في وادي العين وقضوا ليلتهم عند العرابي .
وثاني يوم استئذنوا وشدوا الرحيل على إنهم يبحثوا عن الناقة وهم كان قصدهم عائلة ( الذنيبات ) خطابين .
وصلوا لأخو العروس وتمت الملكة في نفس اليوم وثاني يوم تم الزواج والمعروف عند البدو إن العريس ما ياخذ عروسه إلا بعد أسبوع إلا إن أخو العروس أصر على العم عوده إنه ياخذ عروسه في نفس الليله لن الرجل وراه كمان سفر للخريطه .
فأخذ العم عوده زوجته وكان معهم العم / عواد ورجعوا للخريطه .
وفي اليوم التالي للعرس مر الأخ / محمد العرابي على أخو العروس وعلم بخبر العرس واستغرب وقال ابو سالم - العم عوده - كان عندي وقال إنه يدور له على ناقة مشتريها فخبره اخو العروس إن الرجل تزوج والزواج تم بسرعة بدون عزايم عشا لأهل البيت فقط .
هنا أرسل الأخ / محمد العرابي قصيدة للعم عوده بن رافع ( وللأسف العم عوده لم يحفظ منها إلا هذين البيتين ) :
جونا عوادي تقول سباع
وقفوا بعين ريمية
مار لو إني دريت بعلم فزاع
واقعد لهم دروب ممشية

ولما وصلت القصيدة للعم / عوده بن رافع الشوامين
رد عليه بهذه الأبيات :
علمت محمد لحق فزاع
بجرود وربوع منقية
قص السهل واستقط القاع
والريح تسفي الأثرية
مار الله يخونه لنه ضاع
بالعون للي ما ضيعوا سيه
ولا قعوده ولد سلفاع
ولا أنا قعودي كثر كية
مير العلم لو إنه لحق برجاع
دون الفضى نارنا حيه
والعمر لو إنه سبب ينباع
يا ما جلبته على سية

وسلامتكم وآسف على الإطالة