راس النقب

يا وجودي من جماجم إلى خان الزبيب
وجد ذيب ٍ لج ضلعه على راس النقب

وجد من مد الرشا وانقطع وسط الجليب
لا سقى كبده ولا مش قطرات التعب

ما أبي شوف الطواري ولا وجه الطبيب
كل رجل ٍ عارف ٍ علته ليه الكذب ؟

اتركوني ياجماعه قبل ياتي المشيب
ماذبحنا فالهوى غير هزاز الذنب

أنشد الدمع المصبر متى جرحي يطيب؟
كنت أظن النار تشبع اذا طاح الحطب

ما دريت ان المحبه لها وجه ٍ غريب
وكل ما يلمع ترى ما يسمونه ذهب

قلت اجرب رمية الحظ يمكنها تصيب
وما جنيت امن المحبه سوى لوم وعتب

كل ما شد المسامع رنيم العندليب
سح دمعي كالسحابه على أتفه سبب

لا قسم بالله ما هو تجنَي يالحبيب
الرجال الحين ما عاد يمسكهم شنب

كل ما بارت حظوظي يقولون النصيب
والنصيب اكرم ولو غط ناطور العنب

ما فطن للحب وسياسته كود اللبيب
جوَد إبريك المحبه قبل أكل المطب

يا هني من جنب الحب الاقشر والمريب
سكَر الدفتر على الحب واصحابه شطب

ليه هقوات الحبايب ؟ على حظي تخيب
أجودي بسمي وشكلي وطبعي واللقب

بلغوه اني عطيته الى شمس المغيب
لو ما جا ما عليَا ملام ولا عتب


عناد الرواد