يا شارع الحزن

البارحه بين القمر والمشتري
غابت مجرات الاماني والفجر

والضيقه اللي فالضماير تحتري
يا وين افرغها وانا قلبي حجر

يا شارع الحزن الكئيب المهتري
شفني وانا ابكي من دموعي بنفجر

انا اشهد ان الوقت رجل ٍ مفتري
شب الوريه بين بطرس والغجر

والحب من ايام عصر البحتري
سلة حزن بين التعاسه والضجر

محبة ٍ مضروبة ٍ ما نشتري
وش خصنا في الحب وآمال المجر

يا ويش باقي من شعر في دفتري
وانا اعرف ان الشعر مثل الشجر

لو هزته ريح الصبابه يعتري
كل الورق حزن العطش ثم يزدجر

يابنت وش ما شافت العين استري
الوجه ابيض ما مضى حب انهجر

لولا عبق ذكراك ما دن اوتري
يدن حزني يا تقل نجرة نجر

والحب خلاني صحيح امهستري
شلون احب اسنين ويضيع الاجر

يابنت شوفي حالتي لا تبتري
كل العروق اللي تحبك بالهجر