السلام عليكم ورحمة الله وبركاته
قصيدتنا للشاعرة نورة بنت دخيل الله الحوشان من العونة من بني رشيد عاشت بين اواخر الف وثمان مائة والف وتسعمائة وهي شاعرة معروفة بكرمها وعطفها على المساكين بشهادة كبار السن.
تزوجها عبود بن سويلم الشلواني العازمي ورزقها الله ولد أسمته حوشان على اسم ابوها وبنت لم يذكر التاريخ اسمها.
كانت تعيش مع زوجها بحب وسلام وفي يوم صار بينهم خلاف وطلبت الطلاق.
بعدذلك تقدم لها كثيرين لأنها كانت مزيونة ومن عائلة معروفة ومحافظة لكنها رفضت الزواج بعد زوجها عبود.وفي يوم كانت تمشي بطريق يمر على مزرعة عبودومعها عيالها وقفت في أول المزرعة وراح أولادها يسلمون على ابوهم وعند رجعتها أخذت تهوجس بعبود وتتذكر أيامها معه وتتذكر الذين تقدموا لخطبتها ورفضها لهم فقالتك:
ياعين هلي صافي الدمع هليه
واليا انتهى صافيه هاتي سريبه
ياعين شوفي زرع خلك وارعيه
شوفي معاويده وشوفي قليبه
من أول دايم لرايه نماليه
واليوم جيتهم علينا صعيبة
وان مرني بالدرب ماقدر أحاكيه
امصيبة ياكبرها من مصييبة
اللي يبينا عيت النفس تبيه
واللي نبيه عيا البخت لايجيبه
ويوم سمعت أمه قصيدتها قالت لها يوم انك تحبينه ليه طلبتي الطلاق قالت:
أحبه لو يطبخن ويشوين
يازينه ويازين لمه وضمه
ويازين قوله هيه وش تبغين
أحلى من الورع المغاغي لأمه
وسلااااااااااااااامتكم منقوووووووووول
إللي نبيه عيا البخت لا يجيبه ......
العرض الشجري