بين الرتم والطلح

[poem=font="Arial,7,white,bold,italic" bkcolor="transparent" bkimage="http://www.alhowaitat.net/mwaextraedit2/backgrounds/200.gif" border="none,4," type=0 line=1 align=center use=ex num="0,black""]

ياصاحبي خذنا مع البر سجات =عسى تروق النفس والجو يصفا
من فوق جيب(ن) ناخبه للمهمات = اللي لصعبات المساليك يكفا
لاسار بالخاطر من الوقت عمسات= راع الهوا من ريحة الروظ يشفا
في خايعٍ مالوثته الحضارات = قفرٍ وجاه من المطر ثعل واقفا
مدهال ذيبٍ ساري الليل مابات= داج الخلا ماله معازيب واشفا
اشفا على نابٍ مراقيه عسرات= يجر صوتٍ لج بظلوع عطفا
الجوع حده والمساري مسافات= والدم من كفه على الزور يسفا
لاجيت هاك الروض ياطيب الذات= بين الرتم والطلح لك زين ملفا
الضو شبه والهشايم جزيلات = خل الرجال بشبت النار تدفا
احمس على كيفك من البن حمسات= جمر الغظا لمبهر البن مرفا
بدلالك اللي لنشاما معذات = بالهيل والمسمار في جوف هدفا
فنجالهن يطرد هجوسٍ كثيرات=اللي بروحي تقل مضراب شلفا
وسوالفٍ عند النشاما طريفات= كلن قطف من طيب القول قطفا
هذا غرام الروح والعمر لحظات= من عاش عاش ومن توفا توفا
تم القريض اللي بدعته من الذات = والهرج عن زوده ترا القل يكفا[/poem]