قصيــدة دعوة تفـــــاؤل

سولف معي يا صاحبي منك مامل الكلام
ابسمعك وبأفهمك وليلنا خله يطــول



ابسألك عن كل شي من البدايه للختام
ليه هالدنيــا قصيره والحزن فيها يجول!



والفرح سجنه مؤبد واكتسى لون الظلام
والغلا والشوق كله وضعه الحالي نزول



من لفى درب المحبه يرتجي حسن المقام
عاش في بحر الضياع تايه وكله ذهوول!


يا"وليفي" لا تقول الشوق ما يعرف حطام
لاتقول اني قسيت ونظرتي فيها ميول!


يوم اشوف اللي وفى مالقى غير الملام
والورود اللي سقاها طاحت بوقت الذبول


قال لي : ياهيه هون ليش عايش في عتام !!
دنيتك هذي ثواني لمحة بروق وتزوول


شوف ناظر بالسما وارتقب "سرب الحمام"
شوف "طفل المدرسه" سايرن بين الفصول


يضحك ووجهه بشوش دنيته برد وسلام
بينه وبين "الحمام" عشق مضمونه يقول


انزح "هموم المشاعر" من يلوم ومن يلام
واغتنم وقت السعاده قبل ماتلفي المحول


دعوة فيها تفاؤل ينتهى منها الكلام
دعوة معها ترانيم الأمل تبقى أصول !!

......

تقبلوا خالص تقديري
عيد الرقابي