يلي تقول الوقت جور ومواطي
أظن تال الوقت واضح بلا شك
المشكل بتشرين ولى شباطي؟
ولا جميع ايامنا تحكنا حك
بعض الليالي ما عليها رباطي
تاخذك يابن آدم بهالشبك والحبك
يوم الجنوبي يعشق ام الهياطي
ويوم الشمالي موسع الصدر وش لك؟
أسج عن درب الردى والتباطي
خايف أطيح اليوم في خانة اليك
يا صاحبي وش فايدة هالنقاطي
دام الهدف صدفه كذا يدخل الشبك
المسأله ياخوك أخذ وتعاطي
وأكبر خطا لا تنشد الرجل وش بك
هذا زمان يحيد منه الصراطي
وياخوووك وش هو اللي مع الوقت نشبك
ان دارت الدنيا وزاد الحباطي
واقفى وخلاك الخوي ما سأل عنك
ارجع لربك وافترش هالبساطي
وصلي بقلب(ن) مطمئن (ن) بلا شك
لو كان في قلبك جروك(ن) تخاطي
انها تروح بغمضة العين وتفك
من دون ما نقطع بحور وشواطي
الحنظله مره لو ان طعمها سك
ملزوم عن وقتي افك ارتباطي
دكتني الدنيا كذا دك في دك
بكره ازهب للموادع شناطي
روحه بلا رجعه ورجعه بلا منك
يلي تقول الوقت جور ومواطي
أظن تال الوقت واضح بلا شك
خانة اليك
العرض الشجري