طفلتــك في غيبتــــك شـاافت عذاااب ورغــم هذاا عمرهـا ماملتـك ..

انادي في صباح البرد ولا به حد يسمعني
وليامن زارني ليلي طردته والسّخط بادي

أرحب كيف في ليلٍ وحضنه غايبٍ عنّي
وكيف أستقبل الفرحة وأنا جافيتها أعيادي

وأعوّد أصرخ وأسأل : وشاللي جالهم منّي
أبـ أعرف ليه في لحظه جفاهم صار شي عادي ؟

ألا يابرد
ألا يا برد
ألا يا برد جاوبني !

" و سكّن رجفة ضلوعي ": ورقّد فيني سهادي ،

أغاني البرد ملّتني و " لمني بـ شوق وإحضنّي "أثرها باقيٍ فيني وصداها ساكن فْؤادي

تعبت أتخيّل الملقى وأعشّم نفسي وآغنّي
أحسب وصالهم قرّب وأثاري طيفهم غادي

كنت فعلاً : راعي واجب في الغياب
و حيل وجّبت [ الحنايا ] بـ قسوتك

لا نويت أبكي وأبيّن لك عتاب
تنرسم قدّام عيني .. طيبتك ،

ما طلبتك تفتح لـ ملقاي : باب
ولا أبي يزعج كلامي حضرتك

يعني ترضى أحسب لْـ حبّك حساب
وآنا ألمح في بعادك .. راحتك ؟

أو تبيني أقرا لـ جْراحي ( كتاب )
فيه قصّة / قصدي غصّة طفلتك ،

طفلتك في غيبتك شافت عذاب
ورغم هذا عمرها ما ملّتك ..،

حلمها تلقى لـ حيرتها جواب ،
مالها غيرك و تعشق سيرتك

ما رضت في يوم ياخذْك الغياب
تصرخ بـ لهفة تحاكي : صورتك
ما تصدّق ظنّها وتقول : غاب ،
والدليل إنّها تحرّى .. رجعتك !