عليها...عليها(حاله اجتماعيه)

[poem=font=",6,purple,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اشناب بعض الناس ماهي على رجال=ماتجمّله لارد يدّه عليها
يحط نفسه في مقام أُم العيال=عن حاجةٍ ماعاد يقدر عليها
رجلٍ قنع في منزلة لابس الشال=مقيم في داره عليها..عليها
اللي رضى بالهون واسلوب الاذلاال=لوترفعه طبعه يعيي عليها
رجلٍ يحابي بكلمته خاطر انذال=اكيد معها نذل ماهو عليها
لوطفت في قلبه على كل غسال=يعجز يغسل ادران رابي عليها
للمسلم خصالٍ وللفاسق خصال=ومن عاش في خصله توفى عليها
الا اذا الله بدّل الحال باحوال=الخلق خلقه حيل قادر عليها
ومن عاش في دنياه خادم ومرسال=لويغتني عنها يعوّد عليها
ناسٍ بهذا الوضع ياطيب الفال=غسّل إيدينك لوتسلم عليها[/poem]