يــــــــارب

احد روائع شاعرنا المتألق




[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


يارب تشفع بصدري مـن مخاليبـه =الزاير اللـي يـدش القلـب بالقـوه
يقبل ويشعل علـى كبـدي لواهيبـه =ويشب بين المحانـي لاقلـط ضـوه
ماكنـي الا عزيـز مـن معازيبـه =ولاخـوي وعاهدنـي علـى الخـوه
يغيب عني وهـو مايبطـي الغيبـه =وعن جو كل البشر ياخذنـي بجـوه
هجس الضحا والمسا وافكاري تجيبه =مبطي صوابه وصوبنـي بعـد تـوه
ولو صور الطب في جاشي مضاريبه =يلقى ضميري من الهاجوس متشـوه
جرحي مصيبه وشرحه اكبر مصيبه =ترعد مزونه ويسقي ضامـري نـوه
ولاني بداعـي ولاساعـي لتقطيبـه =ماكل جـرح تعالـج ينتهـي سـوه
مادام نفعـه مـن علاجـه وتطبيبـه =اوهام ضيـر تظـن حوارهـا بـوه
ابغاه ينزف شموخ وينـزف بهيبـه =وان مت اموت بسنام المجـد وعلـوه
وضح النقا منهجي من مبطي امشي به =لاصار بعض العرب في موقف اموه
ولازلت اصارع زمـان زاد تعذيبـه =وانطح اركابه بعزم وعـز ومـروه
وان حدني حيل فـي دورة دواليبـه =وبيني وبينه بـدت تستاسـع الهـوه
لاخاوي الذيب وارقـا فـي مراقيبـه =واعيش عيشة وحش مستاحش بـدوه [/poem]






للشاعر : محمد بن فياض الدماني الحويطي