لو كانت البسمه على وجهي اتليق

امانه هذا النص جاء بعد ما هيضن الشاعر المجنون نديم الشمال



لو كانت البسمه على وجهي اتليق
ماكان شفت الحزن في وجه امي

ولا كان دخنّت الزقاير على الريق
ولا هلّت الدمعه قبل لا تسمي

طويق لو يفقد امل قمة اطويق
كان انكسر وجهي على ابواب همي

والحاله اللي كل ما مالها اتضيق
عيّت تعزّ عناد يا بنت عمي

والصاحب اللي من حساب المطاليق
ما عاد ينفعني رغم فقر دمي

ومن واقعي الواقع انا ناوي آفيق
وما عاد تفرق لو تُخصّ وتعمّي

واصبحت ضيف الهم ومعزّب الضيق
وانا تنحنح بين كبدي وسمي

والآه تتعب ما تفكّ الصناديق
وان هلّ دمعي امسح بطرف كمي

الله , ولا هرج الرخوم المطافيق
ولو يشمتون بضيقتي ما يهمي

أسوقها في وجه راع التوافيق
اللي عليه اشكي واناجيه غمي

والورده اللي فالغصون المواريق
كم اجبرتني احتضنها واشمي

واليوم تذبل في دروب العشاشيق
سكّه طويله بيننا , المهمي

كل شي ممكن آتحمْله وآطيق
الا اشوف الحزن في وجه امي