ياليت أعرف وش مخبي..

ياليت اعرف وش مخبي ! وشنهي اخر اسرارك !!
.. .. .. رغم ايامنا الحلوه ! احس بقلبك العتمه ,,


امانـه ! لايجـي عقبـي حبيـب يقلـب افكـــارك !!
.. .. .. اذا بتخون " لمحلي " عشان تهون هالصدمه ,,


حسبت الحب يغمرني ويسري بموجه انهـارك !!
.. .. .. حسبت الشوق في غيابي يسبب في حشاك ازمه ,,


حسبت احساسي احساسك حسبت اخباري اخبارك !!
.. .. .. حسبتك آهـ .. ياطول الكلام ان جبته بعلمه ..


واذا بتسأل عن اخباري ! تعـال وشوف مقـدارك !!
.. .. .. تعال وناظر ابياتي بنزفي كلمـه ! بكلمـه !


تعال و لقن دروس الجـروح المغرمه بنـارك !!
.. .. .. تراك انت الوحيد اللي تجيب آلام مبتسمه !!


تعال وجيب كذباتك وغلفها مع اعـذارك !!
.. .. .. تعال بكل متاهاتك تعال قلوب منقسمه !!


تعال بمسرح جروحي ومثل لعبـة ادوارك !!
.. .. .. تصفق لك جماهيري من الطعنات متألمـه !!


احسب جيتـك ! كذبـه ؟ ما عادت ريحـة ازهـارك !!
.. .. .. تعال وقول " يافلان ترى ! مالك علي لزمه " !!


بعدها شوفني راحل ! و لاهمتني اقـدارك !!
.. .. .. انا اصلا قبل عشقك " بقايا آمال متحطمه " !!


واخير القول تسمعني اذا باقي على اذكـارك ..
.. .. .. مدامك ناوي الفرقا قرار ولازم احترمه : -


امانــه ! لايجـي عقبـي حبيـب يقلـب افكـــارك ,,
.. .. .. اذا بتخون " لمحلي " عشان تهون هالصدمه,,



مما راق لي
تحياااتي للجميع