رد الشاعر ابراهيم صالح الحويطي على قصيدة الشاعر غازي سبيل الحربي
ياراكب اللي من سلايل سحيمات
.............................. من عندنا تقفي كمى يقفي الطير
والوسم حطاط الثلاث الوسيعات
............................. هي منوة اللي مبعدٍ بالمشاوير
انهم عليها من بلاد الحويطات
............................. شمال غرب المملكه ضلعه اصوير
ياسحيم خبي بي خبيب الاصيلات
............................. خبي خبيب موصل العلم بكير
ومن الحجاز اقطع جبال السراوات
............................. راكب عليها والعصا بس تاشير
واصل نجد اهل الكرم والبطولات
............................. واهل القصيم واخصهم بالتباشير
واخذ اقراها مع هل الرس بالذات
............................ نجد لحمها كوم ماهي عصافير
وابدا كلامي للحروب بسلامات
........................... واثني على غازي وامسيه بالخير
يابن سبيل للــمعاني مـــلذات
.......................... وانته كلامك طير القلب تــطيـــر
واليوم حنا تحت حكم السعودات
.......................... ومصلبخ للي يتعدا الطوابير
وانتم حروب ومن كبار القبيلات
.......................... نسمع بماضيكم ويسمع به الغير
ومسجله كل المواقف كما فات
.......................... يوم الحناكيه خذوها مناصير
ياهل القصيم مقدمين الجمالات
.......................... ودنا نعبر عن معزه وتقدير
ياصحابنا ياهل النوايا النبيلات
........................... مابيننا الصافي ولافيه تغير
هذا كلامي كان مافيه غلطات
........................والعذر لاهل العرف لو جبت تقصير
رد الشاعر ابراهيم الحويطي على قصيده غازي الحربي
العرض الشجري