الجـــــــفا والرحيــــــــــل 00

[poem=font=",6,blue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
الغالي الي تهيّا للجفا والرحيل=الله يسهـّل طريقه لاعقد نيّته
مالي على ثني رجله يوم عزّم سبيل=من عقب لوّح هذاك اليوم بيديّته
الغالي الي كثيره في عيوني قليل=الي كثير العرب مايشبه شويّته
أقفى وعيني تخيله والمدامع تسيل=ماعاد نشره على شوفه ولا جيّته
أقفى وقلبي من الفرقى يحط ويشيل=كنه ضرير ٍ قضت في حادث بنيّته
ماله سواها من العالم معين ودليل=وجاه الخبر قالو ان بنيّتك ميـّته
لو رحت ادوّر بعد ماراح خلي خليل=ماظن ابا القى بتفكيره وعقليّته
الواثق , المترف , الوافي خصال , الثقيل=الي سبتني تواصيفه وشخصيّته
لليوم ماشفت في حسنه شبيه ومثيل=مايشبهونه حشا حتى بعاديّته
وشلون ابا انسى حكايات الزمان الجميل=وشلون ابا انسى سواليفه وحنيّته
راع الهوى لو يموت من المحبه قتيل=مسكين محد ٍ يدوّر بالهوى ديّته
وان كان ماجاني الغالي وسوّى جميل=كتبت من فوق قبر الحب مرثيّته
[/poem]