خمسة عشر درة ٍ بين النبـط والفصيـح
غصت اببحور القصيد وجيـت مشتالهـا
الصوت مبحوح 0 وان غنيت يمكن يبيح
ولا فــودي بشيلـتـهـا ومـوالـهـا
من شان اسلي بها ذاك الضمير الجريـح
اللـي لياناحـر الفِجـه تـنـوى لـهـا
والشاهدالله علـي انـي لعـد الصحيـح
واجاهد النفـس مهمـا الوقـت سوالهـا
عفوي0وضد التكلف في الحياه 0 وصريح
واصفـح 0ولاعامـل الجهـال بعمالهـا
اسلا مع اعزاز الانفس وانبسط واستريح
ولاضعـاف الروابـع 0مالـي ومالـهـا
بعض الاوادم على غاية بعضهـا تطيـح
ولاتطيـح الطيـور الا علـى اشكالـهـا
ومجالس عزاز الانفس قحويانـه وشيـح
رفيعـة ٍ تـرفـع الـرجـال لاجالـهـا
ماياجد الا سعـة خاطـر وهبـات ريـح
ومواقـف تطـرب الطيّـب ويسلالـهـا
ولا انت ياللي ورا المقفي تنـط وتصيـح
خلك بحالـك وخـل النـاس فـي حالهـا
القافلـه ماشيـه ماحسـبـت للنبـيـح
داست اخشوم الكلاب 0 ولا علـى بالهـا
ووشفيك تنبح وراهـا يالـردي القبيـح
يعنـي مثـل غِـرة الفـارس وختالهـا
قال ابن عباد كم صدر ٍ فضحـه الكحيـح
واليوم انا اقولهـا لـو كـان قـد قالهـا
ولاكثـر الله خيـرك َ يايميـن الشحيـح
جـوك ِ النشامـا ولاكرمتـي اسبالـهـا
خمسة عشر بيت تمت مادخلهـا فصيـح
ومادامهـا كِمـلـت مـالـي بطوالـهـا
خمسة عشر
العرض الشجري