بــحــور الــعــشــق

اخواني واخواتي الكرام
كتبت هذه القصيدة مجاراة لقصيدة " الذاهبه " للشاعر المعروف ناصر القحطاني في سنة 2003م
آمل ان تحوز على اعجابكم واستحسانكم

بــــــحــــــور الــــعــــشـــــق

[poem=font=",6,black,bold,normal" bkcolor="transparent" bkimage="http://www.alhowaitat.net/mwaextraedit4/backgrounds/36.gif" border="double,4," type=2 line=0 align=center use=ex num="0,black""]
لوعة العاشق اليمه لوعةٍ ياماشهدها=غيرها العاشق كثير وكم على الدرب الحزينه
أحد تحزّن قصته وأحدٍ يبكيّنا نكدها=وأحد تبقى لوعته في مشة الخافق سجينه
يكتوي في نار وجده مات في نفسه جهدها=من شقاه ومن عذابه راحته ظمة ظنينه
كان هي حدر الثرى فالموت نياتٍ قصدها=صوتها باسمه ينادي رد في خافت أنينه
ياهلا بصوتك حبيبي غيبتك طول أمدها=يوم تتركني وترحل من بقى في هالمدينه
أصبحت جدبى صحاري لو زهى بالورد خدها=وين ما أودي النظر ياكبر أناياسي وشينه
صرت بالدنيا غريب بعدك آمالي حصدها=وفي رحى الفرقا ثمرها ذاب ياليتك ترينه
واهم من هو بحور العشق وامواجه صعدها=الهوى لا اقفى بعاشق خابو اللي مرتجينه
تلعب الامواج لعبه والخطر واضح بحدها=واضح للي دنا حدٍ وعد ماترحمينه
علة الهايم صعيبه كن فعيونه رمدها=مايرى إلا حبيبه فانتهو يالايمينه
لو ترون اللي تصور من حلاه ومن رغدها=لو تشوفون بعيونه خفت عقولٍ رزينه
شف شقى ناصر وتدري ماتت احلامٍ نشدها=لاعه الحظ الردي يالذاهبه وينك ووينه
اقبل يحث القدم ولهان واشواقه مددها=من صدوق الود ينبع سيل الاشواق وحنينه
أقبل وروض الحشا فيه الربيع اللي وعدها=نبت وغصونه تمايل والزهر عطرٍ وزينه
أقبل ودنياه تضحك والليالي اقبل سعدها=اقترب تحقيق حلمه في لقى شمعة سنينه
تكتمل فرحة حياته لاحضن بالكف يدها=يبحر فبحر السعاده يرفع شراع السفينه
كنه الطير المهاجر يوم باعد عن بلدها=ابتعد عنها ولكن كنها قدام عينه
حبها العذري تمّكن صار روحه في جسدها=خالط انفاسه ودمه حب درته الثمينه
قام يسأل ويتحرى ذاهبته ولاوجدها=واظلمت دنياه وامسى للشقا روحه رهينه
عاشقٍ يوم الموادع مل دنياه وزهدها=والله ان محدٍ يلومه لو بكاها عاذرينه
كل شيٍ في عيونه فاقدٍ لونه بعدها=كل شيٍ امسى حزينٍ في نظر عينٍ حزينه
لو يرد دموع عينه تذرف دموعٍ جحدها=لوعته أمّر واقسى من شماتة حاسدينه
اشتكى قلبه سواد الهم من نارٍ وقدها=في حشاه الياس هد اسوار وقصورٍ حصينه
طاحت سقوف الاماني خانها راسي عمدها=مابقى بهوٍ يحله فر۫ح وتزوره سكينه
يالله انك قادرٍ تضفي على روحه جلدها=عاشق حال الثرى مابين محبوبه وبينه
مافجع في موت وضحى والديها ولاولدها=قلب بن عدوان من ذاق العنى ومرّ الغبينه
ماهتنى في نوم ليله خالي احساسٍ رقدها=لوعته طعنة مهند صوبت خافي كنينه
والعزى ماهو لعامر قيس من ليلى فقدها=قيس من ينبش تراب القبر في عاري يدينه
لين حيضان المنايا اللي تمناها وردها=فارقته الروح واروه الثرى قرب الدفينه
كم من الآلام فبطون الليالي لو نعدها=تجرح الخالي اجل وشلون من روحه طعينه
ويالله تجمل عزى اللي عقدة النيه عقدها=في حبالك واستعان والكريم انك تعينه
من بشكر وحمد بادل للمصيبه لوهي ادها=من عزاه وقو صبره رابحٍ دنياه ودينه
[/poem]

بــــقـــلــم الــشــاعــر
حــــســــيــــن أبــــوتــــايــــه