العلم نور ويهدم الجهل بالكون
وكلّ ٍ على قدّه يفصل لباسه
أحد ٍ عليه اللبس زاهي ومصيون
وأحد ٍ فلا يستره حتى مقاسه
وقد قالها قبلي من الناس مليون
منهو غرس غرس ٍ بيجني غراسه
وترى التعلم خير ياللي تعذلون
ومن يبغي العليا يقوي أساسه
والعلم أجره يا هل العرف مضمون
قاله رسول ٍ طهر الله انفاسه
ماهوب قول ٍ من وكالة يقولون
وماهوب كذبة مدّعين السّياسه
لكن كلام الصدق فاللي يجدّون
فعلم الفضيله لا علوم الدناسه
مدرسة أطفال داخل كهف
العرض الشجري