قصيدة للشآآعر محمد بن فطيس اتمنى ان تحوز على رضآآكم وتنال اعجابكم ...
غاسل كفي مـن مصافحـة بعـض اليديـن .. وقافـلٍ بوجيـه أهلهــــــــا صـــــــناديـق البـريـد
وشايف ٍ شي ٍ لي أعـوام مالـي فيـه عيـن .. وقاطـع ٍ خيـط الهقـــــاوي بســــــكيـن الوكيـــــد
وخالص ٍ من طيـب ظـن ٍ موهقنـي سنيـن .. وظاهر لي عقب عرف العـرب عقـل ٍ جديـد
وطايح ٍ من عيني ارجال عنـدي كـان ويـن .. وحاقـر ٍ منهـو يقيـــــــس الأوادم بالرصـــــــيـد
ومحتمي ٍ من غدر الأصحاب في حصن ٍ حصين .. ولابس ٍ لرماح الأقـراب ثـوب ٍ مـن حديـد
وماضي ٍ مني علـى اللـي تمشينـي يميـن .. ما تجي منهو قريــــــب ٍ والـى احتــــــــــجتـه بعيــــد
المواقـف تشخـل النـاس والطيّـب يبـيـن .. كل عـــــــام يطيـح تسعـــــه ويصفــــــا لـي وحيـد
اشهد أن خيـر المـدارس تجـارب الأوليـن .. واشهد ان راي التــــجارب هو الـــــراي السديـد
واشهد انـي للبـلاوي علـى الدنيـا مديـن .. كل مـا راجعـت نفســــــــي طلعـــــــت المستفيـد
وانت ياللي عقبك الزين بيـن البيـض شيـن .. مستحيل يطوفك الشعر وانـت أصـل القصيـد
القصيـده فـي عيونـي بدونـك مـا تزيـن .. لازم ان اجيــــــب طاريـك يـا مــلـح النشـــــــــيـد
انت ياللي مـن بطيـن الفـؤاد الـى الاذيـن .. والله ان حـــــبك مع الوقـت مـا ينقـص يزيـد
في غيابك لـك محبـه ولـك شـوق وونيـن .. وفي حـــضورك شف عيوني كلامـي مـا يفيـد
اقهـر الضيقـة بذكـراك مـن حيـن لحيـن .. وانثر دمـــــوعي على الوصـــــل مـن عيـد ٍ لعيـد
لك غلا ً سبحـان ربـي ملـى الدنيـا حنيـن .. ولك وفا ً سبحان ربـي مكـن فالكـون غيـد
شف مكانك في مكـان ٍ عـن العالـم دفيـن .. في مكان ٍ مـن ورى مثـــــــل عيـدان الجريـد
مكرم ٍ حبـك ولـه فالحشـا سمـن وسميـن .. يقدع من الحــــــال واصـب لــــــه بـن الوريـد
افتضحت مـن الهواجيـس بـك فالمسلميـن ..كل من سولف علي قلت له وش قلت؟ ..عيـد
الهوى سجن العشاشيـق وأنـا لـك سجيـن .. وودي ان سجني مؤبد ولـي حــــــارس وقيـد
عزتي لي مـن فراقـك عسـى ربـي يعيـن .. ادري انه فـي طريقـي ولـــــــــو وصلـك مديـد
صابر ٍ غصبن ورى الخشم لو جرحـي مكيـن .. ودي افعـل لكـــــن الله يفـعـل مــا يـريـد
تحياتي وودي لكم
غاسل كفي
العرض الشجري