وادعتني

[poem=font="jameel,6,blue,bold,normal" bkcolor="white" bkimage="http://www.alhowaitat.net/mwaextraedit4/backgrounds/194.gif" border="outset,4,teal" type=2 line=0 align=center use=ex num="0,black""]
واعذابي كل مالبدر اكتمل=شدني في قمة جنون الخيال
التمس في حرجة الضيقه امل=والاماني في مثل حالي محال
اتملى واروي القلب الثمل=واستخيل صويحبي راع الدلال
احتواني بنوره اللي مايمل=وانتحيت بعزلتي عمايقال
كل مارددت مع نفسي جمل=قالها لي قبل مايشد الرحال
ياحبيبي كيف يلتم الشمل=والحواجز بيننا كبر الجبال
كل دمعن من محاجرها انهمل=قال مالاقالته بنت الحلال
وادعتني وزادت حمولي حمل=واتبعها قلب مغليها وشال
كيف ابانسى جرحها اللي ماندمل=والصواب يفوق بي كل احتمال
كيف اباطفي حرة الجمر برمل=والهبوب يشبها تحت الرمال
يابدر ماقلت لي كيف العمل=والتحدي مع بقاياي ابتذال
مابقى الا كتلة احساس اشتمل=عالالم والحزن وجروح ونضال
من علوك شوف بعيونك جمل=كيف صبره من تحت وطي الثقال
شف نهاية حلم وقف ماكمل=يوم مات بجملة احلام الرجال
[/poem]