YouTube - ‫قصيده حزينه - وصية الاب لابنه‬‎
ياالله يارب الضعوف المساكين
اللي لك المخلوق يحسن صلاته
تستر على غوشـ (ن) صغار مكفين
أكبرهم العارف دليله عصاته
لاياعيالي كل أبوكم حبيبين
عندي وعند الناس كل وداته
عندي غلاكم يدفن الزين والشين
وعند العرب كلـ (ن) تشاف خملاته
ياعبيد أنا خابرك ورع لهلحين
داو(ن) بغبات الجهل وظلماته
لاشك علم لك حب وتفطين
تسمع الوالد وتثبت وصاته
وصات مخلوق يعرف القوانين
مافات عمره بالجهل والهياته
ياعبيد أنا أوصيك مني بثنتين
ثنتين هن سو البشر وحسناته
أوصيك لاتبحث سدود المغيبين
لاتجهر اللي غارقـ (ن) بغفلاته
ترى النميمه تمحق الرزق والدين
والمنزل العالي تهدم طبقاته
ولاتحسبـ (ن) أهل الظليمه بخيتين
كلـ (ن) يوافق ما عمل في وفاته
وأنذرك عن حق الضعيف المسيكين
اللي على حقه يهل إعبراته
ترا الضعيف إليا غدا الليل ليلين
يدعي وعند الله توافق دعاته
الظلم فن الظلم يفني السلاطين
ياويل راعي الظلم من مقبلاته
وأنذرك عن ربعت رخوم هياسين
اللي سوالفهم بوده وهاته
ياعبيد الأقشر لو صفالك نهارين
نهار ثالث جاك يرفع قناته
والله ياعند ربعت الناس الأقصين
ولاصديقن يبلشك في حياته
ان كان ماتدري ترا الناس دارين
الرجل مدحه بالمجالس طراته
ورجل تعلق به رجال مسمين
عز الرفيق ولابته ولحماته
ورجل تشوفه جسم وعيون ويدين
ولولا الشعر ماتفرقه من خواته
كم واحد بالبيت يظرب بسيفين
ون جا حزم كلاب قبه عباته
والحلم عند الغيض ينحا الشياطين
يكفيك شر بليس هو ود حراته
قصيده للشاعر مرشد البذال - نصيحه لأبنه
العرض الشجري