الــــــرميــــه اللــي مـــع الاقــدار مسمومــــــه

الـرميه اللـــي

لاباس ياقلبي اللـي زادت اهمومـه =

زادت عليه المواجـع ليـن مبكانـي

حاولت قلبي يشيل الحمـل بعزومـه =
لكن عـزم الجمل ترديـه الاحزانـي

الرميه اللي مـع الاقـدار مسمومـه =
يصيبني همها لو سهمهـا اخطانـي

صبّرت نفسي واقول اقدار مقسومـه =
الدار دار الفنـا واللـي بهـا فانـي

من غير عله يموت اللي دنى يومـه =
ويعيش من باقيا له يـوم مرضانـي

والعمر له ساعة(ن) للعبد محتومـه =
لا فيـه لا زود ولا فيـه نقصانـي

لو ان الاقدارعنـد العبـد معلومـه =
كان اتحرص و حسب احساب دياني

والنفس ماهي عن الزلات معصومـه =
من خلقة الناس هذا طبـع الانسانـي

يالله عسى النفس عند الموت مرحومه =

عليك ياللي خلقـت النفـس تكلانـي