ورى المنفى البعيد إهناك يااحبابي ..

ورى المنفى البعيد إهناك يااحبابي
وصلت المُتعب المُنهك من احلامه ..

تمروني بقايا غيم والقابي

بقايا انسان مايدري عن ايامه ..

واخلّي ماورى بابي ورى بابي
واخلّي ماورى الأحلام قدّامه ..

أدوّر وجه يشبه " ريحة اصحابي "
أدوّر " موت " يرفع فيني الهامه ..

أدوّر لل حضور اللي يبي غيابي
أدوّر للغياب اللي بكى عامه ..

أنا مليّت من " فيني " ومن " مابي "
ومن تنهيدة الدفتر من اقلامه ..

ومن وردة زهى في عطرها كتابي
ومن طفلة لها " جرحين " لوّامه ..

ومن عصفور لامرّ وتغنّابي
ومن " مكسور " ماتجبر بي عظامه ..

ياأول من يمر الدمع ب أهدابي
ياآخر من زرع "تنهيدة " آلامه ..

تعال ارسم ملامح ضحكه ل نابي
وخذني ل صبح ضاعت جرة اقدامه ..

تصفّح هالضلوع العوج واقرابي
عيون أطفال مقهورة ومنضامه ..

انا مامت ّ لاجل القاك تحيا بي
انا إنسان ماتت بيدك أحلامه ..