ياطير مبطى وروحك تعشق الحومه
ودك تطير وتعلا راس مشرافى
مادام ودك تعلا هاك معلومه
مايصعد اللى صعوده فوق الاكتاف
أطلق جناحك وحلق وأبعد الهومه
مادام كفك شطير ومعدنك صافى
كم لك ونفسك من الهدات محرومة
باسباب ظلم ألزمان وجفوت ألجافى
معاك ثوب ألليالى قصرت كمومه
لكن يمينك وفيه وألفعل وافى
فضاك واسع وأشوف كثرت نجومه
ولاكل نجم بهذا ألكون ينشافى
ماكل غيم تفز ألقاع بقدومه
لاعاد ما اروى قدومه سبع عجافى
يقطف من الروض ريحانه ويشمومه
لا شك باقى نباته شاله ألسافى
الناس تعشق جزيل الحرف وتسومه
اتعب لحرفك وتلقى من ألأنصافى
لاجيت بحر المعانى ناوى تعومه
تعود أنك تخير جزل ألأوصافى
شعر يعيش ويموت وما أكتمل يومه
هذاك ما ارضى تشبه فيه ياقافى
ياقاف ألاشعار خل الوقت وهمومه
روس المشاريف ميقافك وميقافى
(شعر صالح بن محمد)
مايصعد اللى صعوده فوق ألأكتاف
العرض الشجري