ياخوى ياختى

ياخوى أشكى لك ترى القلب محتار===وياليت لوتدرى معزك بقلبى
وياخوى لوضاقت بى ألأرض وألدار===وألله ماعنك رفيق لدربى
وياخوى هالدنيا بها اصغار واكبار===وكل على ليلاه بريح يهبى
وصارت علوم الناس درهم ودينار===واللى مدحك أليوم بكره يسبى
خلك عزيز ألنفس مرفوع مقدار=== ولا تهين النفس خلك امحبي
ماكل من منهو بنى بيت له جار====وما كل نادى لقا من يلبى
وياحظ من لأمه قريب لها بار====وياحظ منهو لليتامى يربى
واللى يقوم ألليل فى عز ألأسحار=== وحظ ألكريم اللى يمينه تذبى
وابعد عن النمام والشرلا طار====خلك حليم راكزلا تغضبي
وياخوى دعواتك عسى العتق من النار==وعسى لقانا فى نعيمات ربى
وياخوى لى اخت تقل عشرة أقمار===عندى مثل ديم تهل وتصبى
تعرف اذا جيته واذا البال كدار===أوكنت فى هم وقلبى امعبى
ياختى ترى مثلك بها ألدنيا ماصار==وماظن فيه مثلك بقربك لقربى
وياختى أنا احبك وقلبك لى أسرار==وان غبتى عنى يوم نارى تشبى
واحلف بخالق سبع اراضين جبار== مثلك فلا يوجد ولا ظن خبي
أنتى لى الأملفى وأن جيت لك مار==ويازين لاقلتى تمجلس بجنبى
وياختى كثر بناس ناكر وغدار==وان بان فيهم احلوا جحر ضبى
والحقد زاد وشانت النفس واشرار==ولا عادينعالج بكى وطبى
كل يحوش القرص حوله بمسمار==وياويل من يقرب ولو كان يحبى
وياختى عسى المولى لنا اليوم غفار==والقاك فى فيض وفردوس ربى
وياخوى ياختى بالبلد واقصى الاقطار==ماظن ألقا مثلكم ينتحبى


شعر ألدكتور سالم ألمالك