راح منهو يسوى بعيوني قبايل ..:~مرثية خالد الرشيدي

بسم الله الرحمن الرحيم ..

سلآم الله ورحمة والبرككآأت ..

مرثية رآآآآآآئعه إلي أقصي الحدود ..حزينةة :|
بس حلوووة ..عجبتني شخصياً ..


مرثية خآلد الرشيدي
كلمات الشاعرة / حكاية أرق
أداء المنشد / أحمد الرشيدي
..

حسب ما ذكر عن المرثية ..
الشاعره حكاية أرق .. ترثي خالد الرويضي . .
جمعتهم الصدف ، وارادوا ان يلتقوا بالحلال
لكن العادات القبليه منعتهم من ذلك بسبب
عدم توافق القبيله ! . حتى وافته المنيه بمرض
السرطان .. نسأل الله ان يغفر له ويرحمه ..

كلمات الشيله


مايغيث الدمع او بدع الجزايل
خص لامن احتياجه يعتريني

راح منهو يسوى بعيوني قبايل
وش عزاي الا دعاي ودمع عيني

كفنو جسمه بقبرن وسط حايل
مادرو وان غاب ساكن في كنيني

عالت ظروفه علينا وألف حايل
وكان حلمي قبلها يمسك يديني

مابقى غير الصور فيها اخايل
وذكرياتن مع وصايا تحتريني

المواقف والمصايب والرسايل
وغيرتي منهن عليه بكل حيني

يوم كنت البايعه لارض وحمايل
باع ربعه وعده يشتريني

جاو بالحيله وفي شتى الوسايل
ورغم ماسوو على شاني يجيني

وين ابلقى له من اشباه ومثايل
يجبر الله لي مصابي في ضنيني

من بعد عينه ارى كل شي مايل
عظم الله اجري فباقي سنيني

ياعرب والشك في هالحب زايل
مات ابيه وعارفين انه يبيني

والله ان يبطي وهو بالصدر صايل
وجايلن في خاطري من قبل عيني

ماني محتاجه على صدقي دلايل
اسئل الله هم فقده مايغزيني

وماعلي من هرج عاذل قول قايل
هو موصيكم وهالله هالله فيني

لو يفيد الدمع او بدع الجزايل
ماشكيت الضيم من صالي حنيني


للتحميل
راح منهو يسوى بعيوني قبايل - أحمد الرشيدي.mp3 - 7.28 MB