احبك حب يفوق الخيال

أحبك حبٍ يفوق الخيال أكثـر منـه مـرات=
حبيبي مامثل حبي مـن الأول إلـى التالـي
أنا أحبك وراعي الحب مايسلى من الصكـات =
يمر المر في دربـه مثـل مامـر بالحالـي
على شانك تحملت السهر والجور واللوعـات=
على شانك ومن أجلك صبرت شهور وليالـي
غرامك في الخفوق وفالعروق ومالي الخانات=
جرى حبك مجاري الدم يغنى كل الأزوالـي
على ذكراك أعيش ولاقدرت أجوز لو ساعات=
أنا ما أذكر دقايق بالزمن تطري على بالـي
أشوفك في منامي يابعد روحي عشر مـرات=
ولايا مني صحيت ولا لقيتـك زاد غربالـي
على شاشة عيوني صورتك في معظم الحزات=
أغيب إليا ذكرتك وإن نسيتك لحظه أشوا لـي
إليا مني ذكرت ضعت بالتفكيـر والسجـات=
مغيرأهرج على نفسي وكني دالهـن سالـي
سهرت الليل أفكر في غرامك وأنضم الأبيات =
وأقول أنت المشاعر كلها وأغلى من الغالـي
أحبك حب يعادل جميع اللي هوى الخفـرات=
أحبك حـب يعـادل محبـة كـل الأجيالـي
حبيبي يعجز التعبير لو كان إمتلت صفحـات=
عجزت أبدي كل اللي يكن القلـب بأمثالـي
وأحبك حب مايدخل بـه التمثيـل والشكـات=
على قمة هواي أنت متربع يابعـد .. حالـي